එළඹෙන ජූනි මාසයේ දී ශ්රී ලංකා කණ්ඩායම එංගලන්ත තරග සංචාරයක නිරත වන බව ශ්රී ලංකා ක්රිකට් ආයතනය අද(25) තහවුරු කළා.
අදාළ තරග සංචාරයේ දී ශ්රී ලංකාව සහ එංගලන්තය අතර 20යි 20 තරග 3ක් සහ එක්දින තරග 3ක් පැවැත්වීමට නියමිතයි.
ජූනි 15 වනදා ශ්රී ලංකා කණ්ඩායම එරටට ළගා වන අතර, අනතුරුව පළමු 20යි 20 තරගය ජූනි 23 වනදා කාර්ඩිෆ් හී දී පැවැත්වෙනු ඇති.
ජූනි 24 වනදා දෙවන 20යි 20 තරගය ද එම ක්රීඩාංගනයේ දී ම පැවැත්වෙන අතර, තෙවැනි 20යි 20 තරගය පැවැත්වීමට නියමිතව ඇත්තේ ජූනි 26 වනදා සවුත්හැම්ටන් හී දී යි.
දෙරට අතර පළමු එක්දින තරගය ජූනි 29 වනදා ඩර්හැම්හී දී ද, දෙවැනි එක්දින තරගය ජූලි පළමු වනදා ලන්ඩන්හි ඕවල් ක්රීඩාංගනයේ දී ද, තෙවැනි එක්දින තරගය ජූලි 4 වනදා බ්රිස්ටල්හී දී ද පැවැත්වීමට සැලසුම් කර තිබෙනවා.
