ශ්රී ලංකාව සහ බංග්ලාදේශය අතර මහනුවර පල්ලේකැලේ ක්රීඩාංගනයේ පැවැත්වෙන දෙවැනි ටෙස්ට් ක්රිකට් තරගයේ තෙවැනි දිනය අදයි(1).
දිනය ආරම්භ කරන විට තරගයේ පළමුවෙන් පන්දුවට පහර දෙමින් සිටි ශ්රී ලංකාව කඩුලු 7ක් දැවී ලකුණු 493ක් ලබා සිටියදී ඉනිම අත්හිටුවීමටයි තීරණය කළේ.
ඒ, දිනයේ පළමු කඩුල්ල ලෙස රමේෂ් මෙන්ඩිස් ලකුණු 33කට දැවී යාමත් සමගයි.
ටස්කින් අහ්මඩ් යොමු කළ පන්දුවක් හමුවේ මුෂ්ෆිකර් රහීම් අතට උඩ පන්දුවක් ලබා දීමෙනුයි ඔහු දැවී ගියේ.
නිරෝෂන් දික්වැල්ල නොදැවී ලකුණු 77ක් රැස් කළේ පන්දු 72කට මුහුණ දී හයේ පහරක් සහ හතරේ පහර 8ක් සමගින්.
ශ්රී ලංකාව වෙනුවෙන් ළහිරු තිරිමාන්න ලකුණු 140ක්, දිමුත් කරුණාරත්න ලකුණු 118ක් සහ ඕෂද ප්රනාන්දු ලකුණු 81ක් ලබා ගත්තා.
ඇන්ජෙලෝ මැතිව්ස් ලකුණු 5කටත්, ධනංජය ද සිල්වා ලකුණු 2කටත් දැවී ගිය අතර, පැතුම් නිස්සංක ලකුණු 30ක් රැස් කළා.
පන්දු යැවීමේ දී ටස්කින් අහ්මඩ් ලකුණු 127කට කඩුලු 4ක් දවා ගත් අතර, මෙහිදි හසාන් මිරාස්, ශොරිෆුල් ඉස්ලාම් සහ ටයිජුල් ඉස්ලාම් එක් කඩුල්ල බැගින් බිද හෙලුවා.
