ශ්රී ලංකා කණ්ඩායමේ හා එංගලන්ත කණ්ඩායමේ හිටපු ප්රධාන පුහුණුකරු ක්රිස් සිල්වර්වුඩ් එංගලන්තයේ පැවැත්වෙන හන්ඩ්රඩ් ක්රිකට් තරගාවලියට ක්රීඩා කරන Oval Invincibles කණ්ඩායමේ සහාය පුහුණුකරුවෙකු ලෙස පත් කර තිබෙනවා.
ඔස්ට්රේලියාව හමුවේ තරග 4-0 ක් ලෙස අලුබදුන තරගාවලිය පරාජයට පත් වීමෙන් පසුව 2022 වසර මුලදී ඔහුව එංගලන්ත පුහුණුකරු ධූරයෙන් ඉවත් කෙරුණු අතර, පසුව ඔහු ශ්රී ලංකා කණ්ඩායමේ ප්රධාන පුහුණුකරු ධූරය භාර ගත්තා.
කෙසේ වෙතත්, නිමා වූ විස්සයි 20 ලෝක කුසලාන තරගාවලියේ දී ශ්රී ලංකා කණ්ඩායම මූලික වටයෙන්ම තරගාවලියෙන් ඉවත් වීමෙන් පසුව සිල්වර්වුඩ් සිය ධූරයෙන් ඉවත් වීමටයි තීරණය කළේ.
ටොම් මූඩි ප්රධාන පුහුණුකරු ධූරය දරන Oval Invincibles කණ්ඩායමේ සහාය පුහුණුකරුවෙකු ලෙස සිල්වර්වුඩ් පත් කර ඇත්තේ ඉල්ලා අස් වූ අසාර් මහ්මූද් වෙනුවටයි.
ක්රිස් සිල්වර්වුඩ් 2022 වසරේ දී එංගලන්ත පුහුණුකරු ධූරයෙන් නෙරපා හැරීමෙන් පසුව එංගලන්තය තුළ පුහුණු කාර්යය මණ්ඩල ධූරයක් සදහා ඔහුව පත් කෙරුණු පළමු අවස්ථාව මෙය වනවා.
