ඇෆ්ඝනිස්තානය හා ශ්රී ලංකාව සමග පැවැත්වීමට නියමිත ටෙස්ට් තරගාවලි සදහා වන නවසීලන්ත සංචිතය නම් කර තිබෙනවා.
ටිම් සවුතිගේ නායකත්වයෙන් යුත් සංචිතයට ක්රීඩකයින් 15 දෙනෙකු ඇතුළත්.
සංචිතය සදහා මාස 18 කට පසුව මයිකල් බ්රේස්වෙල් යළි කැදවීමටයි පියවර ගෙන ඇත්තේ.
Will O’Rourke හා Ben Sears පළමු වරට විදෙස් ටෙස්ට් තරගාවලියක් ක්රීඩා කිරීමට සූදානමින් පසුවනවා.
සංචිතය සදහා දග පන්දු යැවිය හැකි ක්රීඩකයින් 5 දෙනෙකු නම් කර තිබෙනවා. ඒ අනුව බ්රේස්වෙල් හා ග්ලේන් පිලිප්ස් සමග මිචෙල් සැන්ට්නර්, අජාස් පටෙල් හා රචින් රවීන්ද්ර සංචිතයට නම් කිරීමටයි තීරණය කර ඇත්තේ.
ඩෙවෝන් කොන්වේ, ටොම් ලේතම්, කේන් විලියම්සන්, රචින් රවීන්ද්ර හා ඩැරල් මිචෙල් පිතිකරණ බලඇණිය ශක්තිමත් කරන අතර, ටොම් බ්ලන්ඩල් කඩුලු රකින පිතිකරු ලෙස කටයුතු කරනවා. අතිරේක පිතිකරුවෙකු අවශ්ය වුවහොත් විල් යන්ග් සංචිතයේ රැදී සිටිනවා.
නවසීලන්තය හා ඇෆ්ඝනිස්තානය අතර ටෙස්ට් තරගය ඉන්දියාවේ Noida හී දී සැප්තැම්බර් 9 වැනිදා ආරම්භ වීමට නියමිත අතර, ශ්රී ලංකාවට එරෙහි ටෙස්ට් තරග දෙක සැප්තැම්බර් 18 වැනිදා ආරම්භ වීමට නියමිතයි.
New Zealand Test squad to face Afghanistan and Sri Lanka
Tim Southee (capt), Tom Blundell, Michael Bracewell, Devon Conway, Matt Henry, Tom Latham, Daryl Mitchell, Will O’Rourke, Ajaz Patel, Glenn Phillips, Rachin Ravindra, Mitchell Santner, Ben Sears, Kane Williamson, Will Young
