ශ්රී ලංකා නායිකා චමරි අතපත්තු ජූලි මාසයට අදාළ මාසයේ අයි.සී.සී ක්රිකට් ක්රීඩිකාව සම්මානයෙන් පිදුම් ලබා තිබෙනවා.
ඒ, ඇය විසින් එම සම්මානය පසුගිය මැයි මාසයේ දී ද දිනා ගත් පසුබිමකයි.
චමරිට අමතරව ඉන්දියාවේ ස්ම්රිති මන්දනා හා ශෆාලි වෙර්මා ද මෙම සම්මානය සදහා මෙවර නිර්දේශ කර තිබුණා.
34 හැවිරිදි චමරි විසින් මාසයේ ක්රීඩිකාව සම්මානයෙන් පිදුම් ලැබූ තෙවැනි අවස්ථාව මෙයයි.
එම සම්මානය මෙතෙක් වැඩිම වරක් දිනා ගෙන ඇත්තේ ඔස්ට්රේලියාවේ Ashleigh Gardner. ඇය සිව්වරක් එම සම්මානය දිනා ගෙන ඇති අතර, කොදෙව් ක්රීඩිකා Hayley Matthews ද තෙවරක් එම සම්මානයෙන් පිදුම් ලැබුවා.
පසුගිය මාසයේ දී චමරි අතපත්තුගේ නායකත්වය යටතේ ශ්රී ලංකාව පළමු වරට ආසියානු ශූරයින් බවට පත් වූ අතර, එම තරගාවලියේ දී ඇය පිතිකරණයෙන් ඉහළ දක්ෂතා ප්රදර්ශනය කිරීමට ද සමත් වුණා.
මේ අතර, ජූලි මාසයට අදාළ මාසයේ අයි.සී.සී ක්රිකට් ක්රීඩකයා සම්මානයෙන් මෙවර පිදුම් ලබා ඇත්තේ එංගලන්ත වේග පන්දු යවන ක්රීඩක ගස් ඇට්කින්සන්.
