ආබාධයකට ලක් වූ පාකිස්තාන පා දග පන්දු යවන ක්රීඩක ශඩාබ් ඛාන්ට දකුණු අප්රිකා තරග සංචාරයේ ඉදිරි තරග සහ එළඹෙන සිම්බාබ්වේ තරග සංචාරය ද අහිමි වී තිබෙනවා.
නිමා වූ දෙවැනි එක්දින තරගයේ පිතිකරණයේ නිරත වෙමින් සිටියදීයි ඔහුගේ වම් පාදයේ ඇගිල්ලක් ආබාධයකට ලක් වුණේ.
ඒ හේතුවෙන් ඔහුට සති 4ක පමණ කාලයක් විවේක ගැනීමට උපදෙස් ලැබී ඇති බව සදහන්.
මෙම වසර මුලදී ද ඔහු පාදයේ ආබාධයකට ගොදුරු වූ අතර, ඒ හේතුවෙන් ශඩාබ් ඛාන්ට නවසීලන්ත ටෙස්ට් තරගාවලිය මෙන්ම පාකිස්තානයේ දී පැවැති දකුණු අප්රිකාවට එරෙහි තරග ද ක්රීඩා කිරීමේ අවස්ථාව අහිමි වුණා.
දකුණු අප්රිකාවට එරෙහි නිමා වූ පළමු එක්දින තරග දෙකේදී ම ඔහුට කඩුලු දවා ගැනීමට නොහැකි වුවද, පිතිකරණයේ දී පිළිවෙලින් ලකුණු 33ක් සහ 13ක් රැස් කිරීමට ඔහු සමත් වුණා.
