බංග්ලාදේශ තුන් ඉරියව් ක්රීඩක ශකිබ් අල් හසාන්ට දකුණු අප්රිකාව සමග පැවැත්වීමට නියමිත දෙවැනි ටෙස්ට් ක්රිකට් තරගය ද ක්රීඩා කිරීමේ අවස්ථාව අහිමි වන බව බංග්ලාදේශ ක්රිකට් ආයතනය පවසනවා.
පවුලේ සාමාජිකයින් කිහිප දෙනෙකු අසනීප තත්ත්වයකින් පසු වීම හේතුවෙන් දකුණු අප්රිකාව සමග නිමා වූ එක්දින තරගාවලියෙන් පසුව ශකිබ් යළි සිය රට බලා පැමිණියා.
ඒ හේතුවෙන් ඔහුට මේ දිනවල පැවැත්වෙන පළමු ටෙස්ට් තරගය ද අහිමි වී තිබෙනවා.
කෙසේ වෙතත්, ශකිබ් අල් හසාන් දෙරට අතර පැවැත්වෙන දෙවැනි ටෙස්ට් තරගය සදහා ක්රීඩා කරනු ඇති බවට මීට පෙර එරට ක්රිකට් ආයතනය විශ්වාසය පල කළා.
පවුලේ සාමාජිකයින් සමග අමෙරිකාවේ රැදී සිටීම සදහා ඔහු මේ වන විට අමෙරිකාව බලා පිටත්ව ගොස් ඇති බව ද සදහන්.
දෙරට අතර පැවැති දෙවැති එක්දින තරගයෙන් අනතුරුව ශකිබ් අල් හසාන් යළි බංග්ලාදේශය වෙත පැමිණීමට පළමුව සැලසුම් කර තිබුණ ද පසුව ඔහු එක්දින තරගාවලිය අවසන් වන තුරු දකුණු අප්රිකාවේ රැදී සිටීමට තීරණය කළා.
