පාකිස්තානය හා එංගලන්තය අතර පැවැත්වීමට නියමිත පළමු ටෙස්ට් ක්රිකට් තරගය නියමිත පරිදි අද(1) දිනයේ දී රාවල්පින්ඩි හී දී ආරම්භ කිරීමට දෙරටේ ක්රිකට් ආයතන තීරණය කර තිබෙනවා.
තරගය සදහා ක්රීඩකයින් 11 දෙනෙකු ක්රීඩා කිරීමට සුදුසු ශාරීරික යෝග්යතාවයකින් පසුවන බවට එංගලන්ත ක්රිකට් ආයතනය විසින් පාකිස්තාන ක්රිකට් ආයතනය වෙත දැනුම් දීමත් සමගයි මෙම තීරණය ගෙන ඇත්තේ.
එංගලන්ත සංචිතයට සම්බන්ධ සාමාජිකයින් 14 දෙනෙකු වමනය හා පාචනය යන රෝග ලක්ෂණ සහිතව වෛරස් උණ රෝගී තත්ත්වයකට ගොදුරු වී තිබීම හේතුවෙන් අද ආරම්භ වීමට නියමිත තරගය පැය 24 කින් කල් දැමීම පිළිබද මීට පෙර අවධානය යොමුව තිබුණා.
ඊයේ(30) පස්වරුවේ දී දෙරටේ ක්රිකට් ආයතන තීරණය කර තිබුණේ අද පෙරවරු 7.30 ට ඒ සම්බන්ධයෙන් වන අවසන් තීරණය ගැනීමටයි.
ඒ අනුව, දෙරටේ ක්රිකට් ආයතනන මේ වන විට තීරණය කර ඇත්තේ පළමු ටෙස්ට් තරගය සැලසුම් කළ පරිදි මෙරට වේලාවෙන් අද පෙරවරු 10.30 ට ආරම්භ කිරීමටයි.
මෙම තරගය වසර 17 කට පසුව එංගලන්ත කණ්ඩායම පාකිස්තානයේ දී ක්රීඩා කරන පළමු ටෙස්ට් තරගය වීම ද විශේෂත්වයක්.
