ඉන්දියාවේ පැවැත්වීමට නියමිත 2023 ලෝක කුසලාන එක්දින ක්රිකට් තරගාවලිය සදහා වන ඇෆ්ඝනිස්තාන සංචිතය නම් කර තිබෙනවා.
හෂ්මතුල්ලාහ් ශහීඩිගේ නායකත්වයෙන් යුත් සංචිතයට ක්රීඩකයින් 15 දෙනෙකු ඇතුළත්.
වේග පන්දු යවන ක්රීඩක නවීන් උල් හක් වසර දෙකකට පසුව යළි එක්දින සංචිතයට කැදවීමට පියවර ගෙන තිබීම විශේෂත්වයක්.
මෙවර ආසියානු කුසලාන තරගාවලියේ දී හොදින් දක්ෂතා දැක් වූ තුන් ඉරියව් ක්රීඩක ගුල්බදීන් නයිබ්ට සංචිතයේ ස්ථානයක් හිමිව නැහැ.
ආසියානු කුසලාන තරගාවලිය සදහා වන සංචිතයට ඇතුළත් වූ කරීම් ජනට්, ශරෆුදීන් අශ්රෆ් හා සුලිමන් සාෆි යන ක්රීඩකයින් ද ලෝක කුසලාන තරගාවලියෙන් ඉවත් කර තිබෙනවා.
ආබාධයකට ලක්වීම හේතුවෙන් ආසියානු කුසලාන තරගාවලියට එක් නොවූ අස්මතුල්ලාහ් ඔමර්සායි ලෝක කුසලාන තරගාවලියට කැදවීමටයි පියවර ගෙන ඇත්තේ.
තුන් ඉරියව් ක්රීඩක මොහමඩ් නබී සමග දග පන්දු යවන්නන් ලෙස රෂීඩ් ඛාන්, මුජීබ් උර් රහ්මාන් හා නූර් අහ්මඩ් සංචිතයට ඇතුළත්.
සංචිතය සදහා අයි.සී.සී අනුමැතියක් නොමැතිව වෙනස්කම් සිදු කිරීමට ඇෆ්ඝනිස්තානයට සැප්තැම්බර් 28 වැනිදා දක්වා කල් පවතිනවා.
ලෝක කුසලාන තරගාවලිය යටතේ ඇෆ්ඝනිස්තානය ක්රීඩා කරන පළමු තරගය ඔක්තෝබර් 7 වැනිදා බංග්ලාදේශයට එරෙහිව පැවැත්වීමට නියමිතයි.
Afghanistan World Cup squad:
Hashmatullah Shahidi (c), Rahmanullah Gurbaz, Ibrahim Zadran, Riaz Hassan, Rahmat Shah, Najibullah Zadran, Mohammad Nabi, Ikram Alikhil, Azmatullah Omarzai, Rashid Khan, Mujeeb ur Rahman, Noor Ahmad, Fazalhaq Farooqi, Abdul Rahman, Naveen ul Haq.
