1996 ක්රිකට් ලෝක කුසලානය දිනා ගැනීම වෙනුවෙන් අන්තර් ජාතික ක්රිකට් කවුන්සලය (ICC) විසින් ක්රිකට් ශූරයින් වෙනුවෙන් පිරිනැමූ පදක්කම් අද(17) එම ක්රීඩකයින් වෙත පිරිනැමීම සිදු කෙරුණා.
ඒ, ලෝක කුසලානය ජය ගෙන වසර 25ක් සපිරීම නිමිත්තෙන් අරලියගහ මන්දිරයේ පැවැති සැමරුම් උත්සවයේ දී යි.
එම පදක්කම් අග්රාමාත්ය මහින්ද රාජපක්ෂ මහතාගේ සුරතින්ම සියලු ක්රීඩකයින් වෙත ප්රදානය කිරීම සිදු කෙරුණා.
එමෙන්ම ලෝක කුසලාන විජයග්රහණයේ 25 වන සංවත්සර සැමරුම වෙනුවෙන් නිකුත් කෙරුණු QR කේතය සහිත පළමු සැමරුම් මුුුද්දරය හා විශේෂ සමරු කවරය තැපැල්පති රංජිත් ආරියරත්න මහතා විසින් ජනමාධය අමාතය කෙහෙළිය රඹුක්වැල්ල මහතා වෙත පිරිනැමීම ද අද සිදු කෙරුණා.
අනතුරුව අමාත්යවරයා විසින් එය අග්රාමාත්යවරයාට සහ 1996 ලෝක කුසලානය දිනූ ශ්රී ලංකා කණ්ඩායමේ නායක අර්ජුන රණතුංග මහතාට පිළිගන්වනු ලැබුවා.
