එංගලන්ත ක්රිකට් ක්රීඩාව තුළින් ලෝකයට බිහි කළ විශිෂ්ඨතම වේග පන්දු යවන්නෙකු වන 39 හැවිරිදි ජේම්ස් ඇන්ඩර්සන් ටෙස්ට් ක්රිකට් පිටියේ සිය 620 වන කඩුල්ල අද(6) බිද හෙලුවා.
ඒ, ඉන්දියාවට එරෙහි පළමු ටෙස්ට් ක්රිකට් තරගයේ තෙවැනි දිනයේ දී යි.
එම කඩුල්ලත් සමග ටෙස්ට් ක්රිකට් ඉතිහාසයේ තෙවැනි ඉහළම කඩුලුලාභියා ලෙස ඔහු ඉතිහාසගත වුණා.
ඉන්දිය ප්රථම ඉනිමේ ඉහළම ලකුණු ලාභියා වෙමින් ලකුණු 84 ක් ලබා ශතකයකට ආසන්න වෙමින් සිටි කේ.එල් රාහුල්ගේ කඩුල්ල දවා ගනිමිනුයි ඇන්ඩර්සන් සිය 620 වැනි ටෙස්ට් කඩුල්ල දවා ගත්තේ.
මෙතෙක් ටෙස්ට් කඩුලු 619 ක් දවා ගනිමින් වැඩිම ටෙස්ට් කඩුලුලාභින් අතර තෙවැනි ස්ථානයේ රැදී සිටියේ ඉන්දීය හිටපු පා දඟ පන්දු යවන ක්රීඩක අනිල් කුම්බ්ලේ.
නොටින්හැම්හි ට්රෙන්ට් බ්රිඩ්ජ් ක්රීඩාංගනයේ මේ වන විට පැවැත්වෙන ඉන්දු – එංගලන්ත පළමු ටෙස්ට් තරගයේ ඉන්දීය පළමු ඉනිමේ දී ඇන්ඩර්සන් බිද හෙලූ කඩුලු ගණන 4ක්.
ඒ අනුව ඔහු මේ වන විට තරග 162කදී ටෙස්ට් කඩුලු 621ක් දවා ගෙන සිටිනවා.
ටෙස්ට් ක්රිකට් පිටියේ ඉහළම කඩුලුලාභියා වන මුත්තයියා මුරලිදරන් තරග 133 කදී කඩුලු 800 ක් බිද හෙලා ඇති අතර, ටෙස්ට් කඩුලුලාභීන් අතර දෙවන ස්ථානයේ පසුවන ශේන් වෝර්න් තරග 145කදී බිද හෙලා ඇති කඩුලු ගණන 708ක්.
YESSS @jimmy9 moves past Anil Kumble to become the third highest wicket-taker in Test cricket history!! 🐐
Scorecard/Videos: https://t.co/5eQO5BWXUp
🏴 #ENGvIND 🇮🇳 pic.twitter.com/3JUktTb3D1
— England Cricket (@englandcricket) August 6, 2021
