හිටපු සුපිරි ක්රිකට් ක්රීඩකයින් තරග කරන Legends League Cricket තරගාවලියේ දෙවැනි අදියර සදහා ක්රීඩා කිරීමට නියමිතව ඇති ක්රීඩකයින් 53 දෙනෙකු පිළිබද තොරතුරු මේ වන විට ප්රකාශයට පත් කර තිබෙනවා.
ශ්රී ලංකා හිටපු සුපිරි දග පන්දු යවන ක්රීඩක මුත්තයියා මුරලිදරන් මෙන්ම ඉන්දීය ක්රිකට් පාලක මණ්ඩලයේ වත්මන් සභාපති, හිටපු නායක සෞරව් ගංගුලි ද ඒ අතරට අයත්.
එමෙන්ම ශ්රී ලංකා හිටපු ක්රිකට් ක්රීඩකයින් වන අජන්ත මෙන්ඩිස් මෙන්ම දිල්හාර ප්රනාන්දු ද තරගාවලියට ක්රීඩා කරනු ඇති.
තවද, Eoin Morgan, Liam Plunkett, Virender Sehwag, Misbah-ul-Haq, Albie Morkel, Jonty Rhodes, Dale Steyn, Mitchell Johnson, Brett Lee, Shane Watson, Ross Taylor යන හිටපු සුපිරි ක්රිකට් ක්රීඩකයින් ද තරගාවලියට ක්රීඩා කිරීමට නියමිතව තිබෙනවා.
තරගාවලියේ පළමු අදියර පසුගිය ජනවාරි මාසයේ දී මස්කට් හී දී පැවැත්වුණේ India Maharajas, World Giants හා Asia Lions යන කණ්ඩායම්වල සහභාගීත්වයෙන්.
දෙවැනි අදියර ඉන්දියාවේ ක්රීඩාංගන 5 කදී එළඹෙන සැප්තැම්බර් 17 වැනිදා සිට ඔක්තෝබර් 8 වැනිදා දක්වා පැවැත්වීමට නියමිතයි.
