ශ්රී ලංකාව කිසිදු රටක් සමග එක් ටෙස්ට් තරගයක් පමණක් ඇතුළත් තරගාවලි ක්රීඩා නොකළ යුතු බව ශ්රී ලංකා හිටපු ක්රිකට් නායක ඇන්ජෙලෝ මැතිව්ස් පවසනවා.
2027 වසරෙන් පසුව සිදු කිරීමට නියමිත ශ්රී ලංකා හා බංග්ලාදේශ තරග සංචාරවලදී එක් ටෙස්ට් තරගයක් පමණක් ක්රීඩා කිරීමට එංගලන්තයේ අවධානය යොමුව ඇති බවට මාධ්ය වාර්තා පලව ඇති පසුබිමකයි ඇන්ජෙලෝ මැතිව්ස් ට්විටර් (X) පණිවිඩයක් නිකුත් කරමින් මේ බව සදහන් කළේ.
“අපි කිසිම කණ්ඩායමක් එක්ක එක ටෙස්ට් තරගයක් විතරක් ක්රීඩා කරන්න ඕනේ නෑ. යම් රටක් ටෙස්ට් තරග එකකට වඩා ක්රීඩා කිරීමට කැමති නැත්නම් එහෙම වෙන්න දෙන්න! ‘විශාල රටවල්’ කියලා දෙයක් නෑ. ටෙස්ට් වරම් හිමි සියලුම රටවල් සමානයි. එකම ලෝක ටෙස්ට් ශූරතාවලියක් තුළ එක් කණ්ඩායමක් තරග 20ක් ක්රීඩා කරද්දී තවත් කණ්ඩායමක් තරග 10ක් පමණක් ක්රීඩා කරන එක සාධාරණ නෑ. ආදායම් උපයා ගැනීම සහ ටෙස්ට් ක්රිකට් ජීවමානව තබා ගැනීම කියන්නේ වෙනස් කාරණා දෙකක්. ඒ දෙක එකට මිශ්ර කරන්න හොඳ නැහැ!” යනුවෙන් මැතිව්ස් සදහන් කළා.
