සංචාරක බංග්ලාදේශ කණ්ඩායම සමග පැවැති දෙවැනි පන්දුවාර විස්සයි 20 ක්රිකට් තරගය අතරතුර දී රියාන් පරාග් යොමු කළ නිපන්දුවක් බොහෝ දෙනෙකුගේ අවධානය දිනා ගැනීමට සමත් වුණා.
දිල්ලිහී දී පැවැති මෙම තරගයේ කාසියේ වාසිය දිනූ බංග්ලාදේශයේ ඇරයුමෙන් පළමුව පන්දුවට පහරදුන් ඉන්දියාව කඩුලු 9 ක් දැවී ලකුණු 221 ක දැවැන්ත ලකුණු පුවරුවක් නිර්මාණය කළ අතර, පිළිතුරු ඉනිම ක්රීඩා කළ බංග්ලාදේශයට පන්දුවාර 20 අවසානයේ කඩුලු 9 ක් දැවී ලබා ගත හැකි වූයේ ලකුණු 135 ක් පමණයි.
මහ්මුදුල්ලාහ්ට එරෙහිව රියාන් පරාග් විසින් බංග්ලාදේශ ඉනිමේ 11 වැනි පන්දුවාරයේ යොමු කළ සිව්වැනි පන්දුවයි නිපන්දුවක් ලෙස තෙවන විනිසුරු විසින් සංඥා කළේ.
පරාග් විසින් එම පන්දුව පන්දු යවන අන්තයේ සීමා ඉරට නොපැමිණෙමින් ලසිත් මාලිංගගේ පන්දු යැවීමේ ඉරියව්වට ද සමාන ආකාරයකින් යොමු කළ අතර, ඔහුගේ පසු පාදය පැති සීමා ඉරද ඉක්මවා ගොස් තිබූ ආකාරයක් දැක ගත හැකි වුණා.
ඒ හේතුවෙන් එම පන්දුව නිපන්දුවක් (back-foot no-ball) ලෙසයි සංඥා කෙරුණේ.
දර්ශන පහතින් –
