අනාගතයේ දී ශ්රී ලංකා කණ්ඩායමේ නායකත්වය භාර ගැනීම සදහා තමා කැමැත්තෙන් පසුවන බව කඩුලු රකින ක්රීඩක නිරෝෂන් දික්වැල්ල පවසනවා.
ඒ, එළඹෙන එංගලන්ත තරගාවලිය සම්බන්ධයෙන් පැවැති මාධ්ය හමුවකදී මාධ්යවේදියෙකු යොමු කළ පැනයකට පිළිතුරු ලබා දෙමින්.
කණ්ඩායමේ නායකත්වය ලබා ගැනීමට අවධානය යොමු කර ඇත්දැයි විමසූ පැනයට පිළිතුරු දුන් දික්වැල්ල කියා සිටියේ එය තේරීම් කමිටුව සහ පුහුණුකරු විසින් ගත යුතු තීරයක් බවයි.
අනිද්දා(14) ආරම්භ වන එංගලන්ත ටෙස්ට් තරගාවලිය සම්බන්ධයෙන් ද මෙහිදී ඔහු අදහස් පල කළා.
“කණ්ඩායම් දෙකටම ඉතා අමාරු තරගාවලියක්. ඒත් 2018 වසරේ පැවැති තරගාවලිය හා සංසන්දනය කරන විට මේ තරගාවලිය ජය ගන්න අපිට හොඳ අවස්ථාවක් තියෙනවා.” යනුවෙන් නිරෝෂන් දික්වැල්ල සදහන් කළා.
“විශේෂයෙන් ජොෆ්රා ආචර් සහ බෙන් ස්ටෝක්ස් වගේම තවත් ක්රීඩකයින් කිහිප දෙනෙකු රහිතව එංගලන්ත කණ්ඩායම ක්රීඩා කිරීම නිසා තරගාවලිය ජය ගැනීමට අපිට වඩා හොඳ අවස්ථාවක් පවතිනවා කියලා මම විශ්වාස කරනවා. ඒ වුණත් අපි ඔවුන්ව කිසිම විදියකින් අවතක්සේරුවෙන් සලකන්නේ නැහැ. උපරිම දක්ෂතාවයෙන් යුතුව ක්රීඩා කරන්න බලාපොරොත්තු වෙනවා”
