මැග් ලෙනින්ගේ නායකත්වයෙන් යුත් ඔස්ට්රේලියානු කාන්තා ක්රිකට් කණ්ඩායම අද(4) නව ලෝක වාර්තාවක් පිහිටුවීමට සමත් වුණා.
ඒ, අඛණ්ඩව එක්දින ජාත්යන්තර තරග 22ක් ජය ගනිමින්.
මීට පෙර එවැනි දක්ෂතාවයක් දැක් වීමට කිසිදු පිරිමි හෝ කාන්තා ජාතික ක්රිකට් කණ්ඩායමක් සමත් වී තිබුණේ නැහැ.
2003 වසරේ දී රිකී පොන්ටින්ගේ නායකත්වයෙන් යුත් ඔස්ට්රේලියානු පිරිමි කණ්ඩායම අඛණ්ඩව එක්දින තරග 21ක් ජය ගනිමින් මීට පෙර අදාළ ලෝක වාර්තාවට හිමිකම් කියනු ලැබුවා.
නවසීලන්ත කාන්තා කණ්ඩායම සමග පැවැත්වෙන තරග 3කින් යුත් එක්දින ක්රිකට් තරගාවලියේ පළමු තරගයෙන් කඩුලු 6ක ජයක් වාර්තා කරමිනුයි ඔස්ට්රේලියානු කාන්තා කණ්ඩායම අද මෙම ලෝක වාර්තාව තමන් ඉදිරියේ සටහන් කර ගනු ලැබුවේ.
නවසීලන්තයේ මවුන්ට් මංගනුයිහි පැවැති තරගයේ පළමුවෙන් පන්දුවට පහරදුන් නවසීලන්තය පන්දුවාර 48.5ක් අවසානයේ සියලු දෙනා දැවී ලකුණු 212ක් රැස් කළා.
Lauren Down ලකුණු 90ක් රැස් කළ අතර, පන්දු යැවීමේ දී Megan Schutt කඩුලු 4ක් දවා ගත්තා.
පිළිතුරු ඉනිම ක්රීඩා කළ ඔස්ට්රේලියාව පන්දුවාර 38.3ක් අවසානයේ කඩුලු 4ක් දැවී ජයග්රාහී ඉලක්කය පසු කළේ ඇලීසා හීලි (65), එලිස් පෙරී (56*) සහ Ashleigh Gardner (53*) ලබා ගත් අර්ධ ශතකවලින් සවිමත් වෙමින්.
