මෙවර පන්දුවාර 20යි 20 ලෝක කුසලාන ක්රිකට් තරගාවලියේ සුපිරි 12 වටය යටතේ ක්රීඩා කළ දෙවැනි තරගයෙන් ද ජය වාර්තා කිරීමට පාකිස්තානය අද(26) සමත් වුණා.
ඔවුන් හමුවේ සාජාහී දී පැවැති තරගයේ දී කඩුලු 5කින් පරාජයට පත් වූයේ නවසීලන්ත කණ්ඩායමයි.
තරගයේ කාසියේ වාසිය දිනූ පාකිස්තාන නායක බබාර් අසාම් පළමුවෙන් පන්දු යැවීමටයි තීරණය කළේ.
ඒ අනුව පිටියට පිවිසි නවසීලන්තය නියමිත පන්දුවාර 20 තුළ කඩුලු 8ක් දැවී රැස් කළේ ලකුණු 134ක් පමණයි.
ඩැරල් මිචෙල් හා ඩෙවෝන් කොන්වේ ලකුණු 27 බැගින් රැස් කළා.
නායක කේන් විලියම්සන් ලකුණු 25යි.
පන්දු යැවීමේ දී හැරිස් රවුෆ් ලකුණු 22කට කඩුලු 4ක් දවා ගත්තා.
පිළිතුරු ඉනිම ක්රීඩා කළ පාකිස්තානය පන්දුවාර 18.4ක් අවසානයේ කඩුලු 5ක් දැවී ජයග්රාහී ඉලක්කය පසු කළා.
මොහොමඩ් රිස්වාන් ලකුණු 33ක් රැස් කළා. නායක බබාර් අසාම් ලකුණු 9යි.
ෆකාර් සමාන්, මොහොමඩ් හෆීස් හා ඉමාඩ් වසීම් ලකුණු 11 බැගින් රැස් කළා.
පාකිස්තානය ජයග්රහනය කරා රැගෙන ගිය ෂොයිබ් මලික් පන්දු 20කින් නොදැවී ලකුණු 27ක් හා අසිෆ් අලී පන්දු 12කින් නොදැවී ලකුණු 27ක් ලබා ගත්තා.
පන්දු යැවීමේ දී ඉෂ් සෝදි කඩුලු 2ක් ද, මිචෙල් සැන්ට්නර්, ටිම් සවුති හා ට්රෙන්ට් බෝල්ට් කඩුල්ල බැගින් ද දවා ගත්තා.
- ඩෙවෝන් කොන්වේ රැක ගත් සුපිරි උඩ පන්දුව මෙතනින් නරඹන්න (පහතින්ද නැරඹිය හැක)
මෙම ජයග්රහනයත් සමග පාකිස්තානය දෙවන කාණ්ඩයේ (Group 2) ප්රසාද ලකුණු සටහනේ පෙරමුණ ද යළි හිමි කර ගත්තා.
Devon Conway goes full superman 🦸♂️
Have we just seen the catch of the tournament?!?#PakvsNz pic.twitter.com/ePT4jFGNB2
— 𝙼𝚁. 𝚂 𝙾 𝙾 𝙼 𝚁 𝙾 💫 (@ParyalSoomro) October 26, 2021
This is just unreal catch…Catches win matches.. could be the turning point of this game ? What say guys ? Interesting game #NZvsPAK @ICC @StarSportsIndia pic.twitter.com/L4VVHmmV5X
— Harbhajan Turbanator (@harbhajan_singh) October 26, 2021
