බටහිර ඉන්දීය කොදෙව් නායක රොව්මන් පවෙල් පන්දු 18 කින් නොදැවී වාර්තා කළ ලකුණු 43 හමුවේ වර්ෂාව හේතුවෙන් පන්දුවාර 11 කට සීමා වූ දකුණු අප්රිකාවට එරෙහි පළමු 20යි 20 තරගයෙන් කඩුලු 3 ක තියුණු ජයක් වාර්තා කිරීමට කොදෙව්වන් අද(25) සමත් වුණා.
තරගය ජය ගැනීම සදහා පන්දුවාර 11 කදී ලකුණු 132 ක ඉලක්කයක් හඹා ගිය කොදෙව්වන් ඉනිම නිමා වීමට පන්දු 3ක් ඉතිරිව තිබියදී ජයග්රාහි ඉලක්කය පසු කළේ කඩුලු 7ක් දැවී සිටියදීයි.
කොදෙව්වන් ජයග්රහනය කරා රැගෙන ගිය පවෙල්ගේ ඉනිමට හයේ පහර 5 ක් හා හතරේ පහරක් ඇතුළත් වුණා. ජොන්සන් චාර්ල්ස් ලකුණු 28 (14) ක් ද, බ්රෙන්ඩන් කිංග් ලකුණු 23(8)ක් ද රැස් කළා. පන්දු යැවීමේ දී සිසන්ඩා මාගලා ලකුණු 21 කට කඩුලු 3 ක් දවා ගත්තා.
තරගයේ පළමුව පන්දුවට පහරදුන් දකුණු අප්රිකාව ලකුණු 131 ක් වාර්තා කළේ කඩුලු 8 ක් දැවී සිටියදීයි.
ඩේවිඩ් මිලර් පන්දු 22 කින් ලකුණු 48 ක් වාර්තා කළේ හයේ පහර 3 ක් හා හතරේ පහර 4 ක් සමගින්. ක්වෙන්ටන් ඩී කොක් තරගයේ පළමු පන්දුවෙන්ම දැවී ගිය අතර, රීසා හෙන්ඩ්රික්ස් ලකුණු 21(12) යි. සිසන්ඩා මාගලා ලකුණු 18 ක් පන්දු 5 කින් නොදැවී වාර්තා කළා.
පන්දු යැවීමේ දී ශෙල්ඩන් කොට්රෙල් හා ඔඩියන් ස්මිත් කඩුලු 2 බැගින් බිද හෙලුවා.
ඒ අනුව දෙරට අතර පැවැත්වෙන තරග 3කින් යුත් 20යි 20 තරගාවලිය තරග 1-0 ක් ලෙස මේ වන විට කොදෙව්වන් පෙරමුණේ පසුවනවා.
