ශ්රී ලංකා වේග පන්දු යවන ක්රීඩක නුවන් තුෂාර 2024 ඉන්දීය ප්රිමියර් ලීග් තරගාවලිය වෙනුවෙන් මිලදී ගැනීමට මුම්බායි ඉන්දියන්ස් කණ්ඩායම අද(19) සමත් වුණා.
ඒ, මේ වන විට ඩුබායි හී දී පැවැත්වෙන අයි.පී.එල් ක්රීඩක වෙන්දේසියේ දී යි.
ඔහුව මිලදී ගැනීම සදහා පළමුව රෝයල් චැලෙන්ජර්ස් බැංගලෝර් කණ්ඩායම හා කොල්කටා නයිට් රයිඩර්ස් කණ්ඩායම අතර සටනක් නිර්මාණය වුණා.
අනතුරුව බැංගලෝර් හා මුම්බායි ඉන්දියන්ස් කණ්ඩායම් අතර ඔහු වෙනුවෙන් සටනක් නිර්මාණය වූ අතර, අවසානයේ දී මුම්බායි කණ්ඩායම විසින් ඔහුව මිලදී ගැනීමට සමත් වුණේ ඉන්දීය රුපියල් කෝටි 4.80 ක මිලකටයි.
එහි වටිනාකම ශ්රී ලංකා මුදලින් රුපියල් කෝටි 18.8 ක පමණ අගයක් වනවා.
නුවන් තුෂාර වෙන්දේසිය සදහා ඉදිරිපත්ව සිටියේ ඉන්දීය රුපියල් ලක්ෂ 50 ක මූලික වටිනාකමක් යටතේයි.
මීට පෙර මුම්බායි කණ්ඩායම විසින් ශ්රී ලංකා වේග පන්දු යවන ක්රීඩක ඩිල්ෂාන් මදුෂංක ද මිලදී ගත්තා.
ඉන්දීය රුපියල් කෝටි 4.60 ක මුදලකටයි මුම්බායි ඉන්දියන්ස් කණ්ඩායම විසින් ඔහුව මිලදී ගත්තේ.
