දකුණු අප්රිකාවේ පැවැත්වෙන 2024 වයස අවුරුදු 19න් පහළ ලෝක කුසලාන එක්දින ක්රිකට් තරගාවලියේ 9 වැනි තරගයෙන් නැමීබියාව පරදා කඩුලු හතරක ජයක් වාර්තා කිරීමට ඔස්ට්රේලියාව අද(22) සමත් වුණා.
Kimberley හි පැවැති තරගයේ කාසියේ වාසිය දිනූ ඔස්ට්රේලියාවේ ඇරයුමෙන් පළමුව පන්දුවට පහරදුන් නැමීබියාවට පන්දුවාර 33.1 ක් අවසානයේ සියලු දෙනා දැවී ලබා ගත හැකි වූයේ ලකුණු 91 ක් පමණයි.
Zacheo van Vuuren ලකුණු 29 ක් රැස් කළ අතර, Callum Vidler ලකුණු 17 කට කඩුලු 4 ක් හා Tom Straker ලකුණු 16 කට කඩුලු 3ක් දවා ගත්තා.
පිළිතුරු ඉනිම ක්රීඩා කළ ඔස්ට්රේලියාව පන්දුවාර 19.5 ක් අවසානයේ කඩුලු හයක් දැවී ජයග්රාහී ඉලක්කය පසු කළා.
නායක Hugh Weibgen නොදැවී ලකුණු 39 යි. පන්දු යැවීමේ දී Jack Brassell ලකුණු 28 කට කඩුලු 3ක් බිද හෙලුවා.
මේ අතර, Brassell විසින් Sam Konstas දවා ගැනීමට යොමු කළ විශිෂ්ඨ පන්දුව මේ වන විට ලොව පුරා ක්රීඩාලෝලීන්ගේ සුවිශේෂී අවධානයක් දිනා ගැනීමට සමත්ව තිබෙනවා. (දර්ශන පහතින්)
