බටහිර ඉන්දීය කොදෙව් කණ්ඩායම සමග පැවැත්වෙන තරග 5කින් යුත් පන්දුවාර 20යි 20 ක්රිකට් තරගාවලියේ සිව්වැනි තරගයෙන් ලකුණු 34ක ජයක් වාර්තා කරමින් තරගාවලිය තරග 2-2ක් ලෙස සම තත්ත්වයට රැගෙන ඒමට සංචාරක එංගලන්ත කණ්ඩායම මෙරට වේලාවෙන් අද(30) අලුයම සමත් වුණා.
බාර්බඩෝස්හි පැවැති තරගයේ කාසියේ වාසිය දිනූ කොදෙව්වන්ගේ ආරාධනයෙන් පළමුව පන්දුවට පහරදුන් එංගලන්තය නියමිත පන්දුවාර 20 තුළ කඩුලු 6ක් දැවී ලකුණු 193ක් ලබා ගත්තා.
ඉනිමේ වැඩිම ලකුණු ලාභීයා වූ වැඩබලන නායක මොයීන් අලී පන්දු 28කින් වේගවත් ලකුණු 63ක් රැස් කළේ හයේ පහර 7ක් ද සිය ඉනිමට එක්කරමින්.
නිත්ය නායක ඔයින් මෝර්ගන් පසුගියදා ආබාධයකට ලක්වීම හේතුවෙනුයි මොයීන් අලී වැඩබලන නායකයා ලෙස කටයුතු කරන්නේ.
ජේසන් රෝයි ලකුණු 52(42)යි. ජේම්ස් වින්ස් ලකුණු 34ක් රැස් කළා.
පන්දු යැවීමේ දී ජේසන් හෝල්ඩර් ලකුණු 44කට කඩුලු 3ක් දවා ගත් අතර, රොමාරියෝ ෂෙපර්ඩ්, අකීල් හොසේන්, කයිරන් පොලාඩ් එක් කඩුල්ල බැගින් බිද හෙලුවා.
පිළිතුරු ඉනිම ක්රීඩා කළ කොදෙව්වන්ට පන්දුවාර 20 නිමා කිරීමට සිදු වූයේ කඩුලු 5ක් දැවී ලකුණු 159ක් රැස් කරමින්.
කයිල් මේයර්ස් ලකුණු 40(23)ක් ද, ජේසන් හෝල්ඩර් ලකුණු 36(24)ක් ද ලබා ගත්තා. බ්රෙන්ඩන් කිංග් ලකුණු 26යි. නිකලස් පූරාන් ලකුණු 22කට දැවී ගියා.
පන්දු යැවීමේ දී මොයීන් අලී ලකුණු 28කට කඩුලු 2ක් බිද හෙලූ අතර, රීස් ටොප්ලි, අඩිල් රෂීඩ් හා ලියම් ලිවින්ග්ස්ටන් එක් කඩුල්ල බැගින් බිද හෙලුවා.
— cric fun (@cric12222) January 30, 2022
