වර්ෂාවෙන් දැඩි බලපෑම් එල්ල වුව ද, ඉන්දියාව හා පාකිස්තානය අතර පැවැති මෙවර ආසියානු කුසලාන එක්දින ක්රිකට් තරගාවලියේ සුපිරි 4 වටයේ තරගය නව නැරඹුම් වාර්තාවක් පිහිටුවීමට සමත්ව තිබෙනවා.
ඒ, ඩිජිටල් මාධ්ය හරහා ඉන්දීය තරගයක් නැරඹු වැඩිම සමගාමී පරිශීලකයින් (ප්රේක්ෂකයින්) පිරිසෙහි (concurrent users) වාර්තාව අලුත් කරමින්.
ඉන්දු – පාකිස්තාන තරගය පසුගිය ඉරිදා(10) කොළඹ ආර්. ප්රේමදාස ක්රීඩාංගනයේ දී ආරම්භ වූ නමුත්, වර්ෂාව හේතුවෙන් එදින තරගය සම්පූර්ණයෙන් පවත්වා අවසන් කිරීමට නොහැකි වුණා.
ඒ අනුව තරගය අතිරේක දිනය වූ ඊයේ(11) දිනයේ දී ද පැවැත්වීමට සිදු වූ අතර, තරගයෙන් ලකුණු 228 ක දැවැන්ත ජයක් හිමි කර ගැනීමට ඉන්දියාව සමත් වුණා.
මෙවර පාකිස්තානයේ දී හා ශ්රී ලංකාවේ දී පැවැත්වෙන ආසියානු කුසලාන එක්දින ක්රිකට් තරගාවලියේ නිල රූපවාහිනී හා ඩිජිටල් විකාශන හිමිකරු වන්නේ Disney Star සතු Star Sports හා Disney+ Hotstar මාධ්යයයි.
ඒ අනුව ඊයේ නිමා වූ ඉන්දු-පාකිස්තාන තරගය ඩිජිටල් මාධ්ය හරහා Disney+ Hotstar ඔස්සේ කෝටි 2.8 ක සමගාමී පරිශීලකයන් පිරිසක් වාර්තා කර තිබෙනවා.
මීට පෙර ඩිජිටල් මාධ්ය හරහා ඉන්දීය තරගයක් නැරඹූ වැඩිම සමගාමී පරිශීලකයන් සංඛ්යාව වාර්තා කර තිබුණේ ඉන්දියාව හා නවසීලන්තය අතර පැවැති 2019 ලෝක කුසලාන එක්දින ක්රිකට් තරගාවලියේ අවසන් පූර්ව තරගයේ දී යි.
එම තරගයේ දී කෝටි 2.52 සමගාමී පරිශීලකයින් පිරිසක් වාර්තා වී තිබුණා.
Today’s #INDvsPAK has clocked 2.8 Crore concurrent users on @DisneyPlusHS – the highest for any India match in the history of digital. The previous best was #INDvsNZ 2019 @cricketworldcup semifinal with 2.52 Crore concurrent users 🇮🇳 #AsiaCup@StarSportsIndia
— Jay Shah (@JayShah) September 11, 2023
