ආසියානු කුසලාන පන්දුවාර 20යි 20 ක්රිකට් තරගාවලියේ සුපිරි 4 වටය යටතේ අද(4) ඉන්දියාවට එරෙහිව පැවැත්වීමට නියමිත තරගය ක්රීඩා කිරීමේ අවස්ථාව පාකිස්තාන වේග පන්දු යවන ක්රීඩක ශහ්නවාස් ධහානිට අහිමි වී තිබෙනවා.
පාකිස්තාන ක්රිකට් ආයතනය මාධ්ය නිවේදනයක් නිකුත් කරමින් මේ බව තහවුරු කළා.
හොංකොං කණ්ඩායම සමග පසුගියදා පැවැති තරගයේ දී පන්දු යවමින් සිටියදී සිදු වූ ආබාධයක් හේතුවෙනුයි ඔහුට අද තරගය අහිමි වී ඇත්තේ.
ඉදිරි පැය කිහිපයේ දී ද ඔහුගේ සෞඛ්ය තත්ත්වය පිළිබද පාකිස්තාන ක්රිකට් වෛද්ය කමිටුව අවධානයෙන් පසුවන බවත්, ආසියානු කුසලාන තරගාවලියේ ඉදිරි තරග සදහා ඔහුට ක්රීඩා කළ හැකිදැයි පසුව තීරණය කරන බවත්, එරට ක්රිකට් ආයතනය සදහන් කළා.
ඉන්දියාව හා පාකිස්තානය අතර තරගය මෙරට වේලාවෙන් අද රාත්රී 7.30ට ඩුබායි හී දී ආරම්භ වීමට නියමිතයි.
