අයර්ලන්තය සමග පැවැති පළමු එක්දින ක්රිකට් තරගයෙන් ලකුණු 139 ක දැවැන්ත ජයක් වාර්තා කිරීමට දකුණු අප්රිකා කණ්ඩායම සමත් වුණා.
අබුඩාබි හී දී පැවැති තරගයේ පළමුව පන්දුවට පහරදුන් දකුණු අප්රිකාව කඩුලු 9ක් දැවී ලකුණු 271 ක් ලබා ගත් අතර, පිළිතුරු ඉනිම ක්රීඩා කළ අයර්ලන්තයට සියලු දෙනා දැවී පන්දුවාර 31.5 ක් තුළ දී ලබා ගත හැකි වූයේ ලකුණු 132 ක් පමණයි.
දකුණු අප්රිකා ඉනිම වෙනුවෙන් Ryan Rickelton ලකුණු 91 ක් රැස් කළ අතර, ට්රිස්ටන් ස්ටබ්ස් ලකුණු 79 කට දැවී ගියා.
පන්දු යැවීමේ දී මාර්ක් අදයර් ලකුණු 50 කට කඩුලු 4 ක් ද, ක්රෙයිග් යන්ග් ලකුණු 45 කට කඩුලු 3 ක් ද බිද හෙලුවා.
පිළිතුරු අයර්ලන්ත ඉනිමේ වැඩිම ලකුණුලාභියා වූයේ ලකුණු 21 ක් ලබා ගත් ජෝර්ජ් ඩොක්රෙල්.
පන්දු යැවීමේ දී ලිසාද් විලියම්ස් ලකුණු 32 කට කඩුලු 4 ක් දවා ගත්තා. ලුන්ගි එන්ගිඩී හා Bjorn Fortuin අතරේ කඩුලු 2 බැගින් බෙදී ගියා.
