ඉතිහාසයේ පළමු වරට දකුණු අප්රිකා කණ්ඩායම එක්දින ජාත්යන්තර තරගයකින් පරාජයට පත් කිරීමට අයර්ලන්ය අද(13) සමත් වුණා.
ඒ , දෙරට අතර පැවැති දෙවැනි එක්දින තරගයෙන් ඔවුන් ලකුණු 43ක ජයක් වාර්තා කරමින්.
අයර්ලන්තයේ Dublin හි පැවැති තරගයේ පළමුව පන්දුවට පහරදුන් අයර්ලන්තය කඩුලු 5ක් දැවී ලකුණු 290ක් රැස් කළා.
නායක Andy Balbirnie ලකුණු 102ක් රැස් කළ අතර, Harry Tector ලකුණු 79යි.
පන්දු යැවීමේ දී ඇන්ඩිල් පෙහ්ලුක්වායෝ ලකුණු 73කට කඩුලු 2ක් දවා ගත්තා.
පිළිතුරු ඉනිම ක්රීඩා කළ දකුණු අප්රිකාවට පන්දුවාර 48.3ක් අවසානයේ සියලු දෙනා දැවී රැස් කර ගත හැකි වූයේ ලකුණු 247ක් පමණයි.
Janneman Malan ලකුණු 84 ක් රැස් කළා.
පන්දු යැවීමේ දී Mark Adair, Josh Little හා Andy McBrine කඩුලු 2 බැගින් බිද හෙලුවා.
දෙරට අතර පැවැති පළමු එක්දින තරගය වර්ෂාව හේතුවෙන් විසදුමකින් තොරව නිමා වූ බැවින් දෙරට අතර පැවැත්වෙන තරග 3කන් යුත් එක්දින තරගාවලිය මේ වන විට තරග 1-0ක් ලෙස පෙරමුණ ගෙන සිටින්නේ අයර්ලන්තයයි.
