බංග්ලාදේශ ආරම්භක පිතිකරු ටමිම් ඉක්බාල්ට පාකිස්තානය සමග ආරම්භ වීමට නියමිත තරගාවලි ක්රීඩා කිරීමේ අවස්ථාව ද අහිමි වී තිබෙනවා.
ඔහුගේ අතක ඇගිල්ලක සිදුව ඇති ආබාධයක් හේතුවෙනුයි ඔහුට එම තරගාවලි අහිමි වී ඇත්තේ.
පාකිස්තානයට එරෙහි සියලු තරග ක්රීඩා කිරීමේ අවස්ථාව මොහොමඩ් සයිෆුදීන්ට ද අහිමි වී ඇති අතර, තුන් ඉරියව් ක්රීඩක ශකිබ් අල් හසාන්ට ද පාකිස්තානයට එරෙහිව ආරම්භ වීමට නියමිත 20යි 20 තරගාවලිය ක්රීඩා කිරීමේ අවස්ථාව අහිමි වුණා.
ඒ, ශකිබ් අල් හසාන් පන්දුවාර 20යි 20 ලෝක කුසලාන තරගාවලියේ දී මුහුණ දුන් පාදයක ආබාධය හේතුවෙන්.
ටමිම් ඉක්බාල් නිමා වූ 20යි 20 ලෝක කුසලාන තරගාවලිය සදහා ද ක්රීඩා නොකිරීමට තීරණය කර තිබුණේ පසුගිය කාලයේ පැවැති ජාත්යන්තර 20යි 20 තරග රැසක් සදහා ඔහු ක්රීඩා නොකිරීම හේතුවෙන්.
බංග්ලාදේශය හා පාකිස්තානය අතර තරග 3කින් යුත් 20යි 20 තරගාවලිය ලබන 19 වැනිදා ඩකාහී දී ආරම්භ වන අතර, අනතුරුව දෙරට අතර තරග 2කින් යුත් ටෙස්ට් තරගාවලියක් ද පැවැත්වීමට නියමිතයි.
