ලබන 26 වනදා ආරම්භ වන මෙවර ඉන්දීය ප්රිමියර් ලීග් ක්රිකට් තරගාවලියෙන් ඉවත් වීමට එංගලන්ත ආරම්භක පිතිකරු ජේසන් රෝයි තීරණය කර තිබෙනවා.
ජෛව ආරක්ෂිත බුබුලු තුළ දිගින් දිගටම රැදී සිටීමේ දුෂ්කරතාවය පදනම් කර ගනිමින් ඔහු එලෙස තරගාවලියෙන් ඉවත්වීමටයි පියවර ගෙන ඇත්තේ.
මෙවර අයි.පී.එල් තරගාවලියේ දී ජේසන් රෝයි ගුජරාට් ටයිටන්ස් කණ්ඩායම නියෝජනය කිරීමට නියමිතව තිබුණා.
ක්රීඩක වෙන්දේසියේ දී ඔහුව එම කණ්ඩායම විසින් මිලදී ගත්තේ ඉන්දීය රුපියල් කෝටි දෙකක මුදලකටයි.
ජේසන් රෝයිගේ ඉවත් වීම හේතුවෙන් වෙනත් ක්රීඩකයෙකු සංචිතයට ආදේශ කිරීමට ගුජරාට් ටයිටන්ස් කණ්ඩායම ඉදිරියේ දී කටයුතු කරනු ඇති.
31 හැවිරිදි රෝයි පසුගිය වසරේ දී සන්රයිසස් හයිදරාබාද් කණ්ඩායමයි නියෝජනය කළේ.
මෙවර පාකිස්තාන සුපර් ලීග් තරගාවලියේ දී ක්වෙට්ටා ග්ලැඩියේටර්ස් කණ්ඩායම නියෝජනය කළ ජේසන් රෝයි තරග 6 කදී ලකුණු 303 ක් රැස් කිරීමට සමත් වුණා.
