ශ්රී ලංකා ක්රිකට්හි වේග පන්දු උපදේශක ලෙස තවදුරටත් කටයුතු කිරීමට චමින්ද වාස් මහතා තීරණය කර ඇති බව ශ්රී ලංකා ක්රිකට් ආයතනය අද(26) නිල වශයෙන් නිවේදනය කළා.
ඒ අනුව ඔහු අදාළ ධූරයෙන් ඉල්ලා අස් වන බව පවසමින් මීට සති කිහිපයකට පෙර යොමු කළ ලිපිය ද යළි ඉවත් කර ගෙන ඇති බවයි ක්රිකට් ආයතනය නිවේදනය කළේ.
ක්රිකට් කළමණාකාරීත්වය සහ චමින්ද වාස් මහතා අතර පැවැති සාකච්ඡාවලින් පසුව දෙපාර්ශවය අතර පැවැති ගැටලුකාරී තත්ත්වය සමථයකට පත් කර ගැනීමට හැකි වූ බව ශ්රී ලංකා ක්රිකට් ආයතනය සදහන් කළා.
බටහිර ඉන්දීය කොදෙව් තරග සංචාරය සදහා ශ්රී ලංකාව පිටත්ව යාමට පැය කිහිපයකට පෙරයි චමින්ද වාස් සිය ධූරයන්ගෙන් ඉල්ලා අස්වීමට පියවර ගෙන තිබුණේ.
ඒ, මූල්ය ගැටලුවක් පදනම් කර ගනිමින්.
චමින්ද වාස් කොදෙව් තරග සංචාරයේ දී ශ්රී ලංකා කණ්ඩායමේ වේග පන්දු පුහුණුකරු ලෙස ද කටයුතු කිරීමට නියමිතව සිටියා.
