මෙවර ඉන්දීය ප්රිමියර් ලීග් ක්රිකට් තරගාවලියේ 10 වැනි තරගයෙන් රෝයල් චැලෙන්ජර්ස් බැංගලූරු කණ්ඩායම පරදා කඩුලු හතක ජයක් වාර්තා කිරීමට කොල්කටා නයිට් රයිඩර්ස් කණ්ඩායම අද(29) සමත් වුණා.
බැංගලූරුහි පැවැති තරගයේ කාසියේ වාසිය දිනූ කොල්කටා කණ්ඩායමේ ආරාධනයෙන් පළමුව පන්දුවට පහරදුන් බැංගලූරු කණ්ඩායම නියමිත පන්දුවාර 20 අවසානයේ කඩුලු 6 ක් දැවී ලකුණු 182 ක් ලබා ගත්තා.
පිළිතුරු ඉනිම ක්රීඩා කළ නයිට් රයිඩර්ස් පිල පන්දුවාර 16.5 ක් අවසානයේ කඩුලු 3ක් දැවී පහසුවෙන් ජයග්රාහී ඉලක්කය පසු කළා.
සුනිල් නරේන් පන්දු 22 කින් ලකුණු 47 ක් හා පිල් සෝල්ට් පන්දු 20 කින් ලකුණු 30 ක් ලබා ගනිමින් ඉනිමට වේගවත් ආරම්භයක් හිමි කර දුන්නා. නරේන්ගේ ඉනිමට හයේ පහර 5ක් හා හතරේ පහර 2ක් ඇතුළත්.
අංක 3 පිතිකරු වූ වෙන්කටේෂ් අයියර් පන්දු 30 කින් ලකුණු 50 ක් ලබා සිටියදී දැවී ගියා. හයේ පහර 4ක් හා හතරේ පහර 3 ක් ඔහුගේ ඉනිම වර්ණවත් කළා. නායක ෂ්රෙයස් අයියර් නොදැවී ලකුණු 39(24)යි.
පළමුව පන්දුවට පහරදුන් බැංගලූරු පිල වෙනුවෙන් ආරම්භක පිතිකරු විරාත් කෝලි නොදැවී ලකුණු 83 ක් රැස් කළේ පන්දු 59 කින්. හයේ පහර හා හතරේ පහර 4 බැගින් ඔහුගේ ඉනිමට ඇතුළත් වුණා.
කැමරන් ග්රීන් ලකුණු 33 යි. ග්ලේන් මැක්ස්වෙල් ලකුණු 28 කටත්, දිනේෂ් කාර්තික් ලකුණු 20 කටත් දැවී ගියා.
පන්දු යැවීමේ දී හර්ෂිත් රානා හා අන්ඩ්රි රසල් කඩුලු 2 බැගින් බිද හෙලුවා.
