නාසයේ සිදු වූ අස්ථි බිදීමක් හේතුවෙන් බටහිර ඉන්දීය කොදෙව් දග පන්දු යවන ක්රීඩක Yannic Cariah ශල්යකර්මයකට මුහුණ දී තිබෙනවා.
පුහුණුවීම් අතරතුර දී පන්දුවක් මුහුණේ වැදීම හේතුවෙනුයි ඔහු මෙම ආබාධයට මුහුණ දී තිබුණේ.
ලෝක කුසලාන ක්රිකට් තරගාවලියට සුදුසුකම් ලබා ගැනීමේ තරගාවලිය ආරම්භ වීමට දිනකට පෙර, එනම් පසුගිය සෙනසුරාදා ඔහු මෙම අනතුරුට ලක් වී තිබුණා.
සිම්බාබ්වේ හි හරාරේ නුවර දී ඔහු ශල්යකර්මයට මුහුණ දුන් බවත්, තවදුරටත් ඔහු කොදෙව් සංචිතය සමග රැදී සිටින බවත් එරට ක්රිකට් ආයතනය සදහන් කළා.
කොදෙව් කණ්ඩායමේ වෛද්ය කමිටුවේ අධීක්ෂණය යටතේ ඔහු පසුවන අතර, යළි තරග බිමට පිවිසීමට ඔහුට හැකි වන්නේ කවදාදැයි ඉදිරියේ දී තීරණය කරනු ඇති.
මේ අතර, කොදෙව් සහාය පුහුණුකරු Floyd Reifer ගේ මුහුණෙහිද පන්දුවක් වැදී අනතුරක් සිදුව ඇති අතර, ඔහු ද ශල්යකර්මයකට ලක් කර තිබෙනවා.
කොදෙව් වෛද්ය කමිටුවේ අධීක්ෂණය යටතේ ඔහු ද පසුවන අතර, Floyd Reifer විසින් සිය පුහුණුකරු ධූරයේ කටයුතු ඉදිරියටත් සිදු කිරීමට නියමිතයි.
