සංචාරක සිම්බාබ්වේ කණ්ඩායම සමග පැවැති තරග 3කින් යුත් පන්දුවාර 20යි 20 ක්රිකට් තරගාවලිය තරග 3-0ක් ලෙස ජය ගැනීමට පාකිස්තාන කණ්ඩායම සමත් වුණා.
ඒ, දෙරට අතර අද(10) පැවැති තෙවැනි තරගයෙන් ඔවුන් කඩුලු 8ක පහසු ජයක් වාර්තා කිරීමත් සමගයි.
රාවල්පින්ඩිහි පැවැති තරගයේ කාසියේ වාසිය දිනා ගත් සිම්බාබ්වේ කණ්ඩායම පළමුවෙන් පන්දුවට පහර දීමටයි තීරණය කළේ.
ඒ අනුව ඔවුන් පන්දුවාර 20 නිමා කළේ කඩුලු 9ක් දැවී ලකුණු 129ක් ලබා ගනිමින්.
නායක චමූ චිබාබා ලකුණු 31ක් සහ ඩොනල්ඩ් ටිරිපානෝ ලකුණු 28ක් රැස් කළ අතර, සිය අවසන් ජාත්යන්තර තරගයට ක්රීඩා කළ එල්ටන් චිගුම්බුරා ලකුණු දෙකකට දැවී ගියා.
පන්දු යැවීමේ දී උස්මාන් කාදීර් ලකුණු 13කට කඩුලු 4ක් දවා ගත්තා.
පිළිතුරු ඉනිම ක්රීඩ කළ පාකිස්තානය පන්දුවාර 15.2ක් අවසානයේ කඩුලු 2ක් දැවී ජයග්රාහී ඉලක්කය පසු කළා.
සිය මංගල ජාත්යන්තර තරගයට ක්රීඩා කළ අබ්දුල්ලාහ් ශෆික් නොදැවී ලකුණු 41ක් සහ කුෂ්දිල් ශාහ් නොදැවී ලකුණු 36ක් ලබා ගනිමින් පාකිස්තාන ඉනිම ජයග්රහනය කරා රැගෙන ගියා.
තරගයේ වීරයා සහ තරගාවලියේ වීරයා ලෙස උස්මාන් කාදීර් සම්මානයෙන් පිදුම් ලැබුවා.
