මීට පෙර කල් දැමීමට කටයුතු කෙරුණු ඇෆ්ඝනිස්තාන – ඔස්ට්රේලියා ටෙස්ට් ක්රිකට් තරගය ලබන වසරේ නොවැම්බර් මාසයේ දී ඔස්ට්රේලියාවේ දී පැවැත්වෙන බව ඇෆ්ඝනිස්තාන ක්රිකට් ආයතනය පවසනවා.
මෙම ටෙස්ට් තරගය මෙම වසරේ නොවැම්බර් මාසයේ දී පැවැත්වීමට මීට පෙර සැලසුම් කර තිබූ නමුත්, එය පසුව කල් දැමීමට තීරණය කෙරුණේ ගෝලීය කොරෝනා වසංගතය හේතුවෙන්.
ඇෆ්ඝනිස්තාන ක්රිකට් ආයතනය සදහන් කරන්නේ අදාළ ටෙස්ට් තරගය ලබන නොවැම්බර් මාසයේ දී පැවැත්වීම සදහා දෙරටේ ක්රිකට් ආයතන අතර මේ වන විට එකගතාවයකට එළඹ ඇති බවයි.
කෙසේ වෙතත්, තරගය පැවැත්වෙන ක්රීඩාංගනයක් මෙතෙක් තීරණය කර නැහැ.
ඇෆ්ඝනිස්තානය 2017 වසරේ දී ටෙස්ට් වරම් දිනා ගත් අතර, මේ වන විට ඔවුන් ටෙස්ට් තරග 4කට ක්රීඩා කර ඉන් තරග දෙකක් ජය ගෙන තිබෙනවා.
