එංගලන්ත සුපිරි වේග පන්දු යවන ක්රීඩක ස්ටුවට් බ්රෝඩ් ක්රිකට් පිටියෙන් විශ්රාම ගැනීමට තීරණය කර තිබෙනවා.
මේ දිනවල ලන්ඩන් නුවර ඕවල් ක්රීඩාංගනයේ දී ඔස්ට්රේලියාව සමග පැවැත්වෙන 5 වැනි අළුබදුන ටෙස්ට් තරගයෙන් පසුව තමා එලෙස ක්රිකට් පිටියට සමු දෙන බවයි ඔහු සදහන් කළේ.
37 හැවිරිදි බ්රෝඩ් මේ වන විට ටෙස්ට් තරග 167 කදී බිද හෙලා ඇති කඩුලු ගණන 602 ක්.
ඒ අනුව ඔහු ඉතිහාසගතව ඇත්තේ ටෙස්ට් ඉතිහාසයේ බිහි වූ දෙවැනි සාර්ථකම වේග පන්දු යවන්නා ලෙසයි.
ඔහුට වඩා වැඩි කඩුලු ප්රමාණයක් දවා ගැනීමට ටෙස්ට් ඉතිහාසයේ දී සමත්ව ඇති එකම වේග පන්දු යවන්නා වන්නේ එංගලන්තයේම ජේම්ස් ඇන්ඩර්සන්.
මෙවර අළුබදුන තරගාවලියේ දී බ්රෝඩ් මේ දක්වා කඩුලු 20 ක් දවා ගැනීමට සමත්ව සිටිනවා.
5 වැනි අළුබදුන තරගයේ තෙවැනි දිනය අද(29) නිමා වුණේ සිය දෙවැනි ඉනිම ක්රීඩා කරමින් සිටින එංගලන්තය කඩුලු 9 ක් දැවී ලකුණු 389 ක් ලබා සිටියදීයි.
ඒ අනුව එංගලන්තය මේ වන විට දෙවැනි ඉනිමේ දී ලකුණු 377 ක් ඉදිරියෙන් පසුවනවා.
