දකුණු අප්රිකා ක්රිකට් ක්රීඩකයෙකුට නව කොරෝනා වෛරසය ආසාදනය වී තිබෙනවා.
ඒ හේතුවෙන් ඔහු සමග තවත් සමීප ආශ්රිත ක්රීඩකයින් දෙදෙනෙකු කේප් ටවුන්හි හුදෙකලා කර ඇති බවයි වාර්තා වන්නේ.
එංගලන්ත තරගාවලිය ආරම්භ වීමට සතියක පමණ කාලයක් ඉතිරිව පවතින අවස්ථාවේ දී මෙය සිදුවීම විශේෂත්වයක්.
කෙසේ වෙතත්, මෙම ක්රීඩකයින් සංචිතයෙන් ඉවත් කිරීමට මෙතෙක් තීරණය කර නැතත්, එළඹෙන 21 වනදා පැවැත්වීමට නියමිත අභ්යන්තර සංචිත පුහුණු තරගය සදහා ක්රීඩකයින් දෙදෙනෙකු ආදේශ කෙරෙනු ඇති.
එංගලන්තය සහ දකුණු අප්රිකාව අතර පළමු 20යි 20 ක්රිකට් තරගය ලබන 27 වනදා පැවැත්වීමට නියමිතයි.
තරග සංචාරයට එක්වන එංගලන්ත කණ්ඩායම ද මේ වන විට දකුණු අප්රිකාවට පැමිණ ඇති අතර, ඔවුන් සියලු දෙනා කොවිඩ් 19 සම්බන්ධයෙන් සිදු කෙරුණු වෛද්ය පරීක්ෂණවලින් සමත් වී තිබෙනවා.
