දකුණු අප්රිකා A කණ්ඩායම සමග පැවැති දෙවැනි එක්දින ක්රිකට් තරගයෙන් ලකුණු 31 ක ජයක් වාර්තා කරමින් තරග 3කින් යුත් එක්දින තරගාවලියේ ජය ද තරගයක් ඉතිරිව තිබියදීම තහවුරු කර ගැනීමට (2-0) සංචාරක ශ්රී ලංකා A කණ්ඩායම අද(2) සමත් වුණා.
Potchefstroom හි පැවැති තරගයේ පළමුව පන්දුවට පහරදුන් ශ්රී ලංකා A කණ්ඩායම කඩුලු 7 ක් දැවී ලකුණු 270 ක් රැස් කළ අතර, පිළිතුරු ඉනිම ක්රීඩා කළ දකුණු අප්රිකා ක්රීඩකයින්ට පන්දුවාර 41.1 ක් අවසානයේ සියලු දෙනා දැවී රැස් කර ගත හැකි වූයේ ලකුණු 239 ක් පමණයි.
මැතිව් බ්රීට්ස්කා ලකුණු 74 ක් හා මීකා-ඊල් ප්රින්ස් ලකුණු 44 ක් ලබා ගත්තා.
පන්දු යැවීමේ දී දුෂාන් හේමන්ත කඩුලු පහක් දවා ගත්තේ ලකුණු 48 ක් ලබා දෙමින්. වනුජ සහන් කඩුලු දෙකක් බිද හෙලුවා.
පළමුව පන්දුවට පහරදුන් ශ්රී ලංකා A ඉනිම වෙනුවෙන් ලහිරු උදාර ලකුණු 86(95) ක්, සහන් ආරච්චිගේ ලකුණු 52(56) ක්, චමිදු වික්රමසිංහ ලකුණු 48(36) ක් හා සොනාල් දිනූෂ නොදැවී ලකුණු 37(46) ක් ලබා ගත්තා.
පන්දු යැවීමේ දී ඇන්ඩිල් පෙහ්ලුක්වායෝ හා ඇන්ඩිල් සයිමෙලේන් කඩුලු 2 බැගින් බිද හෙලුවා.
