සංචාරක බටහිර ඉන්දීය කොදෙව් කණ්ඩායම හා ඉන්දීය කණ්ඩායම අතර පැවැත්වීමට නියමිත තරග 3කින් යුත් 20යි 20 තරගාවලිය ක්රීඩාංගනයට පැමිණ නැරඹීම සදහා ප්රේක්ෂකයින්ට අවසර ලබා දී තිබෙනවා.
තරගාවලිය පෙබරවාරි 16 වනදා ආරම්භ වන්නේ කොල්කටාහි ඊඩ්න් ගාඩ්න්ස් ක්රීඩාංගනයේ දී යි.
ක්රීඩාංගනයේ ප්රේක්ෂක ධාරිතාවයෙන් 75%ක පිරිසකට තරග නැරඹීම සදහා ඇතුළු වීමට අවසර ලබා දීමටයි බටහිර බෙංගාල ප්රාන්ත රජය තීරණය කර ඇත්තේ.
ඒ අනුව ප්රේක්ෂකයින් 50,000කට පමණ ඉන්දු – කොදෙව් 20යි 20 තරගයක් නැරඹීම සදහා අවස්ථාව හිමි වනු ඇති.
එම තරගාවලියට පෙර කයිරන් පොලාඩ්ගේ නායකත්වයෙන් යුත් බටහිර ඉන්දීය කොදෙව් කණ්ඩායම ඉන්දියාවට එරෙහිව එක්දින තරග 3ක් ද අහ්මදාබාද් හී දී ක්රීඩා කිරීමට නියමිතයි.
