ඇෆ්ඝනිස්තාන ක්රිකට් ආයතනය අනුමැතියට ලක් කරමින් එහි ප්රධානී Mirwais Ashraf ඇෆ්ඝනිස්තානයේ අයි.සී.සී නියෝජිතයා ලෙස පිළිගැනීමට ජගත් ක්රිකට් කවුන්සලය (අයි.සී.සී) තීරණය කර තිබෙනවා.
ඒ, ඉරිදා(10) ඩුබායි හී දී නිමා වූ අයි.සී.සී රැස්වීමේ දී යි.
ඇෆ්ඝනිස්තාන ක්රිකට් ආයතනයේ තත්ත්වය හා එරට ක්රිකට් ක්රීඩාව සම්බන්ධයෙන් පරීක්ෂා කර බැලීම සදහා ජගත් ක්රිකට් කවුන්සලය විසින් ක්රියාකාරී මණ්ඩලයක් පත් කර තිබූ අතර, එහි නිර්දේශ මත පදනම්ව අයි.සී.සීය විසින් මෙම පියවර ගනු ලැබුවා.
මේ අතර, සිය රට තුළ කාන්තා ක්රිකට් ක්රීඩාව ප්රවර්ධනය කිරීමට කටයුතු කරන බවට වන සහතිකයක් ද අයි.සී.සීය වෙත ඇෆ්ඝනිස්තාන ක්රිකට් ආයතනය විසින් ලබා දී ඇති බව ජගත් ක්රිකට් කවුන්සලය සදහන් කළා.
ඒ සදහා වන සම්පූර්ණ ක්රියාකාරී සැලැස්මක් සහ අයවැයක් ඇෆ්ඝනිස්තානය විසින් අදාළ ක්රියාකාරී මණ්ඩලය වෙත ඉදිරියේ දී ලබා දෙනු ඇති.
