2024 කාන්තා පන්දුවාර විස්සයි 20 ලෝක කුසලාන ක්රිකට් තරගාවලියේ 7 වැනි තරගයෙන් පාකිස්තානය පරදා කඩුලු හයක ජයක් වාර්තා කිරීමට ඉන්දීය කාන්තා කණ්ඩායම සමත් වුණා.
ඩුබායි හි පැවැති තරගයේ පළමුව පන්දුවට පහරදුන් පාකිස්තානය කඩුලු 8 ක් දැවී ලකුණු 105 ක් ලබා ගත් අතර, පිළිතුරු ඉනිම ක්රීඩා කළ ඉන්දියාව ඉනිම නිමා වීමට පන්දු 7 ක් ඉතිරිව තිබියදී කඩුලු 4 ක් දැවී සිටියදී ජයග්රාහී ඉලක්කය පසු කර ගියා.
ඉන්දීය හඹා යාම ශක්තිමත් කළ Shafali Verma ලකුණු 32 ක් රැස් කළ අතර, නායිකා Harmanpreet Kaur ලකුණු 29 ක් ලබා සිටියදී ආබාධයකට ලක්ව පිටියෙන් ඉවත් වුණා. Jemimah Rodrigues ලකුණු 23 යි. පන්දු යැවීමේ දී Fatima Sana ලකුණු 23 කට කඩුලු දෙකක් බිද හෙලුවා.
පළමුව පන්දුවට පහරදුන් පාකිස්තානය වෙනුවෙන් Nida Dar ලකුණු 28 ක් රැස් කළ අතර, Muneeba Ali ලකුණු 17 කට දැවී ගියා. පන්දු යැවීමේ දී Arundhati Reddy ලකුණු 19 කට කඩුලු 3 ක් බිද හෙලුවා.
මේ අතර, තරගාවලියේ 8 වැනි තරගයේ දී ස්කොට්ලන්තය පරදා කඩුලු හයක ජයක් වාර්තා කිරීමට බටහිර ඉන්දීය කොදෙව් ක්රීඩිකාවන් සමත් වුණා.
ඩුබායිහි පැවැති තරගයේ පළමුව පන්දුවට පහරදුන් ස්කොට්ලන්තයට පන්දුවාර 20 තුළ කඩුලු 8ක් දැවී ලබා ගත හැකි වූයේ ලකුණු 99 ක් පමණයි.
පිළිතුරු ඉනිම ක්රීඩා කළ කොදෙව් කාන්තා කණ්ඩායම පන්දුවාර 11.4 ක් අවසානයේ කඩුලු 4 ක් දැවී ජයග්රාහී ඉලක්කය පසු කළා.
