2024 ලංකා ප්රිමියර් ලීග් ක්රිකට් තරගාවලියේ දිගම හයේ පහර එල්ල කිරීමට කලම්බු ස්ට්රයිකර්ස් කණ්ඩායමේ ආරම්භක පිතිකරු රහ්මනුල්ලාහ් ගුර්බාස් අද(10) සමත් වුණා.
ඒ, තරගාවලියේ 13 වැනි තරගයේ දී ජැෆ්නා කිංග්ස් කණ්ඩායමට එරෙහිවයි.
දඹුල්ලේ දී ආරම්භ වූ තරගයේ කාසියේ වාසිය දිනූ ජැෆ්නා කිංග්ස් කණ්ඩායම පළමුව පන්දු යැවීමටයි තීරණය කළේ.
ඒ අනුව කොළඹ කණ්ඩායම වෙනුවෙන් ඉනිම ආරම්භ කළ ගුර්බාස් හා ඇන්ජෙලෝ පෙරේරා පළමු පන්දුවාරයේ දී ප්රමෝද් මදුෂාන්ට එරෙහිව ලකුණු 20 ක් වාර්තා කිරීම කැපී පෙනුණා.
එම පන්දුවාරයේ පළමුවැනි, තෙවැනි හා 6 වැනි පන්දුවලට ගුර්බාස් විසින් දැවැන්ත හයේ පහරවල් එල්ල කිරීමට සමත් වීම ද විශේෂත්වයක්.
අවසන් පන්දුවට ඔහු එල්ල කළ හයේ පහරේ දිග සටහන් වූයේ මීටර් 108 ක් ලෙසයි. එය මෙවර තරගාවලියේ දී මෙතෙක් පිතිකරුවෙකු එල්ල කළ දැවැන්තම හයේ පහරයි.
දර්ශන පහතින් –
— cric sl (@cricslvideo) July 10, 2024
