මෙවර ඉන්දීය ප්රිමියර් ලීග් ක්රිකට් තරගාවලියේ මෙතෙක් පිතිකරුවෙකු එල්ල කළ දෙවැනි දැවැන්තම හයේ පහර එල්ල කිරීමට මුම්බායි ඉන්දියන්ස් කණ්ඩායමේ පිතිකරු ටිම් ඩේවිඩ් සමත් වුණා.
ඒ, තරගාවලියේ 31 වැනි තරගයේ දී පංජාබ් කිංග්ස් කණ්ඩායමේ නේදන් ඇලස් යොමු කළ මුම්බායි ඉනිමේ 18.2 පන්දුවේ දී යි.
මුම්බායි හි වන්කඩේ ක්රීඩාංගනයේ දී පැවැති තරගය ජය ගැනීම සදහා ලකුණු 215 ක ඉලක්කයක් හඹා ගිය මුම්බායි ඉන්දියන්ස් කණ්ඩායමට පන්දුවාර 20 අවසානයේ දී කඩුලු 6ක් දැවී ලබා ගත හැකි වූයේ ලකුණු 201 ක් පමණයි.
ටිම් ඩේවිඩ් මෙම තරගයේ දී පන්දු 13 කින් වේගවත් ලකුණු 25 ක් නොදැවී රැස් කළා. හයේ පහර 2ක් ඔහුගේ ඉනිමට ඇතුළත් වුණා.
ඉන් එක් හයේ පහරක් midwicket කලාපය ඔස්සේ මීටර් 114 ක් දුරට ඇදී ගියේ තරගාවලියේ දෙවැනි දිගම හයේ පහරේ වාර්තාව ටිම් ඩේවිඩ්ගේ නම ඉදිරියේ සටහන් කරමින්.
තරගාවලියේ දැවැන්තම හයේ පහර මෙතෙක් එල්ල කර ඇත්තේ රෝයල් චැලෙන්ජර්ස් බැංගලෝර් කණ්ඩායමේ නායක ෆෆ් ඩු ප්ලෙසිස් විසින්. එම හයේ පහරේ දිග මීටර් 115 ක්.
ඩේවිඩ්ගේ හයේ පහරේ දර්ශන පහතින් නරඹන්න –
— cric sl (@cricslvideo) April 23, 2023
