මෙවර ලෝක කුසලාන එක්දින ක්රිකට් තරගාවලියේ දී තමන් යොමු කළ තෙවැනි පන්දුවෙන්ම කඩුල්ලක් දවා ගැනීමට ශ්රී ලංකා තුන් ඉරියව් ක්රීඩක ඇන්ජෙලෝ මැතිව්ස් අද(26) සමත් වුණා.
ඒ, තරගාවලියේ 25 වැනි තරගයේ දී එංගලන්ත ආරම්භක පිතිකරු ඩේවිඩ් මලාන් දවා ගනිමින්.
තරගයේ කාසියේ වාසිය දිනූ එංගලන්තය පළමුවෙන් පන්දුවට පහර දීමට තීරණය කළ අතර, ඉනිමේ පළමු කඩුල්ල බිද වැටුණේ මුළු ලකුණු පුවරුව 45 ක් ලෙස සටහන්ව තිබියදීයි.
මෙවර තරගාවලියේ සිය පළමු තරගයට ක්රීඩා කරන මැතිව්ස් මෙම තරගයේ දී යොමු කළ පළමු පන්දුවාරයේ තෙවැනි පන්දුවෙන්ම එංගලන්ත පළමු කඩුල්ල බිද වැටීම කැපී පෙනුණා.
ඔහු යොමු කළ පන්දුවක් හමුවේ කඩුලු රකින ක්රීඩක කුසල් මෙන්ඩිස් අතට උඩ පන්දුවක් ලබා දීමෙනුයි මලාන් දැවී ගියේ.
මෙම පන්දුවාරය මැතිව්ස් විසින් 2020 වසරෙන් පසුව එක්දින ජාත්යන්තර පිටියේ දී යොමු කළ පළමු පන්දුවාරය වීම ද විශේෂත්වයක්.
දර්ශන පහතින් –
