2024 හන්ඩ්රඩ් ක්රිකට් තරගාවලියේ 24 වැනි තරගයේ දී රෂීඩ් ඛාන්ට එරෙහිව පන්දුවාරයක සියලු පන්දුවලට හයේ පහරවල් එල්ල කිරීමට කයිරන් පොලාඩ් සමත් වුණා.
Trent Rockets කණ්ඩායම හා Southern Brave කණ්ඩායම අතර පැවැති මෙම තරගයේ පළමුව පන්දුවට පහරදුන් Rockets කණ්ඩායම නියමිත පන්දු 100 අවසානයේ කඩුලු 8ක් දැවී ලකුණු 126 ක් ලබා ගත්තා.
පිළිතුරු ඉනිම ක්රීඩා කළ Brave කණ්ඩායම පන්දු 99 ක් අවසානයේ දී කඩුලු 8 ක් දැවී ජයග්රාහී ඉලක්කය පසු කළා.
පොලාඩ් පන්දු 23 කින් වේගවත් ලකුණු 45 ක් ලබා ගනිමින් Brave කණ්ඩායම ජයග්රහනය කරා රැගෙන ගියා.
හන්ඩ්රඩ් තරගාවලියේ දී එක් පන්දුවාරයකට පන්දු 5 ක් පමණක් යොමු කෙරෙන අතර, රෂීඩ් ඛාන් යොමු කළ ඉනිමේ 81, 82, 83, 84 හා 85 යන පන්දුවලටයි පොලාඩ් මෙලෙස හයේ පහර 5 ක් අඛණ්ඩව එල්ල කිරීමට සමත් වුණේ.
