ඕමානයේ පැවැත්වෙන ප්රවීනයින්ගේ ලීග් ක්රිකට් තරගාවලියේ අවසන් මහා තරගයේ දී ආසියානු ලයන්ස් කණ්ඩායමේ ආරම්භක පිතිකරු තිලකරත්න ඩිල්ෂාන් විසින් සිය සුපුරුදු “ඩිල්ස්කූප්” පහර අද(29) එල්ල කිරීමට සමත් වුණා.
පිට පිට පන්දු දෙකකදී World Giants කණ්ඩායමේ මෝර්නි මෝර්කල්ට එරෙහිව ඩිල්ෂාන් එම පහර එල්ල කිරීමට සමත් වීම කැපී පෙනුණා.
පළමු අවස්ථාවේ දී ලකුණු 4ක් වාර්තා කිරීමට ඩිල්ෂාන් සමත් වූ අතර, දෙවැනි ඩිල්ස්කූප් පහරින් ලකුණු 6ක් වාර්තා කිරීමට ඔහු සමත් වීම විශේෂත්වයක්.
තරගයේ කාසියේ වාසිය දිනූ ආසියානු ලයන්ස් කණ්ඩායමේ ආරාධනයෙන් පිටියට පිවිසි ජයන්ට්ස් කණ්ඩායම නියමිත පන්දුවාර 20 නිමා කළේ කඩුලු 5ක් දැවී ලකුණු 256ක් ලබා ගනිමින්.
ඒ අනුව තරගය ජය ගැනීමට ආසියානු ලයන්ස් පිලට හිමි වූ ඉලක්කය ලකුණු 257ක්.
DILSCOOP 😍 pic.twitter.com/Sg50LDSRNi
— cric sl (@cricslvideo) January 29, 2022
