සංචාරක එංගලන්ත කණ්ඩායම හා නවසීලන්ත කණ්ඩායම අතර ක්රයිස්චර්ච්හි පැවැත්වෙන පළමු ටෙස්ට් ක්රිකට් තරගයේ දෙවැනි දිනය අද (29) නිමා වුණා.
දිනය ආරම්භ වන විට සිය පළමු ඉනිම ක්රීඩා කරමින් සිටි නවසීලන්තය කඩුලු 8ක් දැවී ලකුණු 319 ක් ලබා සිටි අතර, ඔවුන් අද දිනයේදී සියලු දෙනා දැවී රැස් කළ ලකුණු සංඛ්යාව 348 ක්. කේන් විලියම්සන් ලකුණු 93 ක් ලබා ගත් අතර, පන්දු යැවීමේ දී ශොයිබ් බෂීයර් හා බ්රයිඩන් කර්ස් කඩුලු 4 බැගින් බිද හෙලුවා.
දිනය නිමා වන විට සිය පළමු ඉනිම ක්රීඩා කරමින් සිටි එංගලන්තය කඩුලු 5 ක් දැවී ලකුණු 319 ක් ලබා සිටියා. හැරී බෘෘක් නොදැවී ලකුණු 132යි. හයේ පහර 2ක් හා හතරේ පහර 10 ක් ඔහුගේ ඉනිම වර්ණවත් කළා. ඔහු ලබා දුන් උඩ පන්දු 4 ක් නවසීලන්ත පන්දු රකින්නන් අතින් ගිලිහී යාම ද කැපී පෙනුණා. නවසීලන්ත පන්දු රකින්නන් අද දිනයේදී අත්හැර දැමූ උඩ පන්දු සංඛ්යාව 6ක්. මේ වන විට එංගලන්තය පළමු ඉනිමේදී ලකුණු 29 ක් පිටුපසින් පසුවනවා.
මේ අතර, අද දිනයේදී එංගලන්ත පළමු ඉනිමේ 5 වැනි කඩුල්ල දවා ගැනීම සදහා නවසීලන්ත ක්රීඩක ග්ලේන් පිලිප්ස් විසින් විශිෂ්ඨ උඩ පන්දුවක් රැක ගැනීම ලොව පුරා බොහෝ ක්රීඩාලෝලීන්ගේ අවධානය දිනා ගත් සිදු වීමක් බවට පත් වුණා.
ඔලී පෝප් ලකුණු 77 කට දවා ගැනීම සදහායි පිලිප්ස් විසින් මෙම සුපිරි උඩ පන්දුව රැක ගත්තේ. (දර්ශන පහතින්)
Glenn Phillips adds another unbelievable catch to his career resume! The 151-run Brook-Pope (77) partnership is broken. Watch LIVE in NZ on TVNZ DUKE and TVNZ+ #ENGvNZ pic.twitter.com/6qmSCdpa8u
— BLACKCAPS (@BLACKCAPS) November 29, 2024
