ලංකා ප්රිමියර් ලීග් ක්රිකට් තරගාවලියේ සිව්වැනි තරගයේ දී ජැෆ්නා කිංග්ස් කණ්ඩායමේ පා දග පන්දු යවන ක්රීඩක විජයකාන්ත් වියස්කාන්ත් විසින් විශිෂ්ඨ පන්දුවක් යොමු කරමින් දඹුල්ල අවුරා කණ්ඩායමේ ආරම්භක පිතිකරු අවිශ්ක ප්රනාන්දුගේ කඩුල්ල දවා ගැනීමට අද(1) සමත් වුණා.
කොළඹ ආර්.ප්රේමදාස ක්රීඩාංගනයේ දී පැවැති මෙම තරගයෙන් කිංග්ස් කණ්ඩායම පරදා කඩුලු 8 ක ජයක් වාර්තා කිරීමට සමත් වුණේ දඹුල්ල අවුරා කණ්ඩායමයි.
තරගයේ කාසියේ වාසිය දිනා පළමුව පන්දුවට පහරදුන් ජැෆ්නා කිංග්ස් කණ්ඩායම පන්දුවාර 20 අවසානයේ කඩුලු 7 ක් දැවී රැස් කළේ ලකුණු 129 ක් පමණයි.
පිළිතුරු ඉනිම ක්රීඩා කළ දඹුල්ල පිල පන්දුවාර 16.2 ක් අවසානයේ කඩුලු 2 ක් පමණක් දැවී ජයග්රාහී ඉලක්කය පසු කළා.
ආරම්භක කඩුල්ල සදහා පන්දුවාර 8.1 ක් තුළ ලකුණු 76 ක සම්බන්ධතාවයක් ගොඩ නැගීමට අවිශ්ක ප්රනාන්දු හා කුසල් මෙන්ඩිස් සමත් වුණා.
අවිශ්ක පන්දු 32 කින් ලකුණු 52 ක් රැස් කළේ හයේ පහර 3 ක් හා හතරේ පහර 6 ක් සමගින්. විජයකාන්ත් වියස්කාන්ත්ගේ පන්දුවක් කෙළින්ම කඩුල්ලේ වැදීම හේතුවෙනුයි ඔහු දැවී ගියේ. (දර්ශන පහතින්)
— CricDaily24 (@cricday96) August 1, 2023
