ක්රිකට් ලෝක කුසලාන දෙවන ලීගය (ICC Men’s Cricket World Cup League 2) යටතේ පැවැති 73 වැනි තරගයෙන් ස්කොට්ලන්තය පරදා තියුණු ජයක් වාර්තා කිරීමට නේපාලය පසුගියදා සමත් වුණා.
ස්කොට්ලන්තයේ Dundee හී දී පැවැති තරගයේ පළමුව පන්දුවට පහරදුන් ස්කොට්ලන්තය කඩුලු 7 ක් දැවී ලකුණු 296 ක් ලබා ගත් අතර, පිළිතුරු ඉනිම ක්රීඩා කළ නේපාලය කඩුලු 9 ක් දැවී සිටියදී තරගයේ අවසන් පන්දුවේදීයි ජය හිමි කර ගත්තේ.
එම පන්දුවේදී ස්කොට්ලන්තය විසින් නේපාලයේ අවසන් කඩුල්ල දුවද්දී දවා ගැනීමක් ලෙස ලබා ගැනීමට සමත් වූ බවක් පළමුව දක්නට ලැබුණා. ස්කොට්ලන්ත ක්රීඩකයින් එම සතුට සමරන ආකාරයක් ද සජීවී දර්ශනවල සටහන්ව තිබුණා.
ඒ අනුව තරගය සුපිරි පන්දුවාරයක් කරා ගමන් කරනු ඇතැයි අපේක්ෂා කෙරුණු නමුත්, දුවද්දී දවා ගැනීම එසේ සිදු වීමෙන් පසුව පන්දු යවන අන්තයේ සිටි විනිසුරු විසින් අදාළ පන්දුව වයිඩ් පන්දුවක් ලෙස සංඥා කිරීම කැපී පෙනුණා.
ඒ අනුව අවසන් පන්දුවේදී තරගය ජය ගැනීමට අවශ්ය වූ එක් ලකුණ නේපාලයට හිමි වීමත් සමග තරගයෙන් එක් කඩුල්ලක ජයක් නේපාලය සතු වුණා.
දර්ශන පහතින් –
