එළඹෙන ඉන්දීය ප්රිමියර් ලීග් ක්රිකට් තරගාවලිය වෙනුවෙන් රෝයල් චැලෙන්ජර්ස් බැංගලෝර් කණ්ඩායම විසින් රදවා ගත් ක්රීඩකයින් අද(30) නිවේදනය කෙරුණා.
ඒ අනුව හිටපු නායක විරාට් කෝලි, ග්ලේන් මැක්ස්වෙල් හා මොහොමඩ් සිරාජ් යන ක්රීඩකයින් සිය කණ්ඩායමේ රදවා ගැනීමටයි එම කණ්ඩායම තීරණය කර ඇත්තේ.
කෝලිට ඉන්දීය රුපියල් කෝටි 15ක වටිනාමක් ද, මැක්ස්වෙල්ට ඉන්දීය රුපියල් කෝටි 11ක වටිනාමක් ද , මොහොමඩ් සිරාජ්ට ඉන්දීය රුපියල් කෝටි 7ක වටිනාමක් ද හිමිව තිබෙනවා.
ඒ අනුව රෝයල් චැලෙන්ජර්ස් බැංගලෝර් කණ්ඩායම සදහා නිමා වූ තරග වාරයේ දී ක්රීඩා කළ වනිදු හසරංග හා දුෂ්මන්ත චමීර එම කණ්ඩායමෙන් නිදහස් කිරීමටයි පියවර ගෙන ඇත්තේ.
සියලු කණ්ඩායම්වලට උපරිම වශයෙන් ක්රීඩකයින් සිව් දෙනෙකු සිය කණ්ඩායමේ රදවා ගැනීමට මෙවර අවස්ථාව ලබා දුන්නා.
ඒ අතරට උපරිම වශයෙන් විදෙස් ක්රීඩකයින් දෙදෙනෙකු ද රදවා ගැනීමේ හැකියාව කණ්ඩායම් වෙත හිමිවුණා.
