නවසීලන්තයේ ආරම්භක පිතිකරුවන් දෙදෙනෙකු වන ඩෙවෝන් කොන්වේ හා ෆින් ඇලන් එරට ක්රිකට් ආයතනය සමග ගිවිසුම්ගතව ඇති මධ්යම කොත්ත්රාත්වලින් ඉවත් වීමට තීරණය කර තිබෙනවා.
ෆ්රැන්චයිස් ක්රිකට් තරගාවලි සදහා අවධානය යොමු කිරීමේ අරමුණ ඇතිවයි ඔවුන් දෙදෙනා මෙම තීරණය ගෙන ඇත්තේ.
කෙසේ වෙතත්, කොන්වේ සමග අනියම් ගිවිසුමක් අත්සන් තැබීමට නවසීලන්ත ක්රිකට් ආයතනය එකග වී ඇති අතර, ඒ අනුව ඔහු ජනවාරි මාසයේ දී ශ්රී ලංකාවට එරෙහිව පැවැත්වීමට නියමිත සීමිත පන්දුවාර තරග 6 හැර සෙසු සියලු ජාත්යන්තර තරග ක්රීඩා කිරීම සදහා සූදානමින් පසුවනවා.
ඔහුව එළඹෙන ඇෆ්ඝනිස්තාන හා ශ්රී ලංකා ටෙස්ට් තරගාවලි සදහා ද පසුගියදා නම් කෙරුණා.
ජනවාරි මාසයේ දී ඩෙවෝන් කොන්වේ දකුණු අප්රිකාවේ පැවැත්වෙන SA20 ක්රිකට් තරගාවලියට ක්රීඩා කිරීමට නියමිතයි. එම තරගාවලියේ දී ඔහු Joburg Super Kings කණ්ඩායම නියෝජනය කිරීමට සූදානමින් සිටින බව සදහන්.
මේ අතර, ෆින් ඇලන්ට අනියම් ගිවිසුමක් හෝ ලබා දී නොමැති අතර, ඔහු ඉදිරියේ දී ඔස්ට්රේලියානු බිග් බෑෂ් ලීග් තරගාවලියට ක්රීඩා කිරීමට සැලසුම් කර ඇති බවයි වාර්තා වන්නේ.
මෙම ක්රීඩකයින් දෙදෙනාම පසුගිය මාසයේ දී නවසීලන්ත මධ්යම කොන්ත්රාත් ගිවිසුම්වලට ඇතුළත් කර තිබූ නමුත්, ඔවුන් දෙදෙනාම ඉන් ඉවත් වීමට මේ වන විට ගෙන ඇති තීරණය හේතුවෙන් නව ක්රීඩකයින් දෙදෙනෙකුට කොන්ත්රාත් ගිවිසුම් ලබා දීමට ඉදිරියේ දී කටයුතු කරනු ඇති.
මීට පෙර කේන් විලියම්සන්, ට්රෙන්ට් බෝල්ට්, ලොකී ෆර්ගසන් හා ඇඩම් මිල්න් වැනි නවසීලන්ත ක්රීඩකයින් ද මධ්යම කොන්ත්රාත් ගිවිසුම්වලින් ඉවත් වීමට පියවර ගෙන තිබුණා.
