ඉන්දීය ක්රිකට් තේරීම් කමිටුවේ (පිරිමි) (Senior Men’s Selection Committee) සභාපතිවරයා ලෙස ඉන්දීය හිටපු වේග පන්දු යවන ක්රීඩක අජිත් අගාර්කාර් පත් කර තිබෙනවා.
ලැබුණු ඉල්ලුම්පත් අනුව පැවැත්වූ සම්මුඛ පරීක්ෂණවලින් පසුව ක්රිකට් උපදේශක කමිටුව විසින් ඒකමතිකව ඔහුව එම ධූරය සදහා නිර්දේශ කර ඇති බවයි එරට ක්රිකට් ආයතනය නිවේදනය කළේ.
ඉන්දීය තේරීම් තමිටුවේ හිටපු සභාපතිවරයා වූ චේතන් ෂර්මා පසුගිය පෙබරවාරි මාසයේ දී ඉල්ලා අස්වීමෙන් පසුව එම ධූරය මෙතෙක් පුරප්පාඩු වී පැවතුණා.
ඉන්දීය මාධ්ය නාලිකාවක් විසින් රහසිගත කැමරාවක් හරහා පටිගත කළ රූපරාමු ඔස්සේ චේතන් ෂර්මා සිදු කළ ආන්දෝලනාත්මක ප්රකාශ කිහිපයක් ප්රසිද්ධියට පත් කිරීම හේතුවෙනුයි ඔහු ධූරයෙන් ඉවත් වුණේ.
අජිත් අගාර්කාර් ඉන්දීය තේරීම් කමිටුවේ 5 වැනි සාමාජිකයා ලෙසයි අද පත් වුණේ. මේ වන විට එරට තේරීම් කමිටුවට Shiv Sundar Das, Subroto Banerjee, Salil Ankola හා Sridharan Sharath යන සාමාජිකයින් ඇතුළත්ව සිටිනවා.
45 වන වියේ පසුවන අගාර්කාර් ඉන්දියාව වෙනුවෙන් ටෙස්ට් තරග 26 ක්, එක්දින තරග 191 ක් හා 20යි 20 ජාත්යන්තර තරග 4 ක් ක්රීඩා කර තිබුණා.
ඔහු ක්රීඩා කර ඇති සමස්ත පළමු පෙල තරග ගණන 110 ක් වන අතර, List A එක්දින තරග 270 ක් හා 20යි 20 තරග 62 ක් ද අජිත් අගාර්කාර් ක්රීඩා කළා.
2007 පන්දුවාර 20යි 20 ලෝක කුසලානය දිනූ ඉන්දීය සංචිතයට ද ඔහු ඇතුළත්ව සිටියා.
Men’s Selection Committee:
Ajit Agarkar (Chairperson), Shiv Sundar Das, Subroto Banerjee, Salil Ankola, Sridharan Sharath.
