2025 ඉන්දීය ප්රිමියර් ලීග් ක්රිකට් තරගාවලිය සදහා ද තරග 74 ක් පමණක් පැවැත්වීමට තීරණය කර තිබෙනවා.
කෙසේ වෙතත්, 2022 වසරේ දී 2023-27 වසරවලට අදාළව රූපවාහිනී හා ඩිජිටල් විකාශන අයිතිය අලෙවි කිරීමේ දී ප්රකාශ කර තිබුණේ 2025 අයි.පී.එල් තරගාවලියට ඇතුළත් තරග ගණන 84 ක් දක්වා ඉහළ නංවන බවටයි.
2023 හා 2024 වසරවලදී අයි.පී.එල් තරගාවලියට තරග 74 ක් බැගින් පැවැත්වීමටත්, 2025 හා 2026 වසරවලදී අයි.පී.එල් තරගාවලියට තරග 84ක් බැගින් පැවැත්වීමටත්, 2027 වසරේ දී එය තරග 94 ක් දක්වා ඉහළ නැංවීමටත් සැලසුම් කර තිබුණා.
නමුත්, පසුගිය තරග වාර තුනේදී මෙන්ම 2025 අයි.පී.එල් තරගාවලියට ද තරග 74 ක් පමණක් ඇතුළත් කිරීමටයි මේ වන විට තීරණය කර ඇත්තේ.
ක්රික්ඉන්ෆෝ වෙබ් අඩවිය වාර්තා කරන ආකාරයට ඉන්දීය ජාත්යන්තර ක්රීඩකයින්ට නිසි විවේකයක් ලබා දෙමින් ඔවුන්ගේ කාර්යය ප්රමාණය (workload) කලමනාකරණය කිරීමට සහාය වීමේ අරමුණින් මෙම පියවර ගෙන ඇති බව සදහන්.
2025 වසරේ ජූනි 11 වැනිදා ලෝඩ්ස් ක්රීඩාංගනයේ දී ආරම්භ වීමට නියමිත අයි.සී.සී ලෝක ටෙස්ට් ශූරතාවලියේ අවසන් මහා තරගයට ඉන්දියාව සුදුසුකම් ලබා ගැනීමට බොහෝ දුරට ඉඩ ඇති අතර, එය ද සලකා බලා ක්රීඩකයින්ට අවශ්ය විවේකය ලබා දීමේ අරමුණින් ඉන්දීය ක්රිකට් පාලක මණ්ඩලය අයි.පී.එල් තරගාවලියේ තරග ප්රමාණය ඉහළ නොදැමීමට තීරණය කර තිබෙනවා.
